ນາຍົກລັດຖະມົນຕີ ອີຕາລີ ຍື່ນຄຳຮ້ອງຂໍລາໜ້າທີ່

ລາຍງານຈາກ ສຳນັກຂ່າວ ຣອຍເຕີ ເມື່ອວັນທີ 26 ມັງກອນນີ້ ໃຫ້ຮູ້ວ່າ ນາຍົກລັດຖະມົນຕີ ອີຕາລີ ທ່ານ Giuseppe Conte ໄດ້ຍື່ນໃບຄຳຮ້ອງ ຕໍ່ປະທານາທິບໍດີ Sergio Mattarella ຂໍລາອອກຈາກຕຳແໜ່ງ ອັນເນື່ອງຈາກເກີດຂໍ້ຄັດແຍ່ງກັນລະຫວ່າງພັກຮ່ວມລັດຖະບານ ບໍ່ໂລ່ງລອຍກັນ ໃນບັນຫາຟື້ນຟູເສດຖະກິດ ຫຼັງ ໂຄວິດ-19 ແລະ ເຂົາກໍບໍ່ໄດ້ຫາງສຽງພໍໃນວຸດທິສະພາ ໃນອາທິດທີ່ຜ່ານມາ,

ນັກສັງເກດການໃຫ້ຮູ້ວ່າ ການລາອອກຂອງ Giuseppe Conte ແມ່ນຍຸດໂທບາຍທາງການເມືອງ ເພື່ອຈະຊ່ວຍໃຫ້ເຂົາມີໂອກາດສ້າງສຳພັນທະມິດໃໝ່ຂຶ້ນມາ ເພື່ອໃຫ້ໄດ້ຫາງສຽງສ່ວນໃຫ່ຍໃນສະພາ. ການລາອອກຂອງ ເຂົາຈະເຮັດໃຫ້ ອີຕາລີ ຕົກຢູ່ໃນສະພາວະບໍ່ມີຄວາມສະຫງົບທາງການເມືອງ ໃນຂະນະທີ່ ເຊື້ອພະຍາດໂຄວິດ-19 ກຳລັງລະບາດ, ມີຜູ້ເສຍຊີວິດໄປແລ້ວໃນປະເທດນີ້ 80.000 ຄົນ.