ໄບເດັນ ລົງນາມໃນຄຳສັ່ງ ຟື້ນຟູຂະແໜງການຜະລິດ ຂອງສະຫະລັດອາເມລິກາ

ການລົງນາມໃນຄຳສັ່ງດັ່ງກ່າວ ມີຂຶ້ນບົນພື້ນຖານຄຳໝັ້ນສັນຍາ ໃນເວລາຫາສຽງສະໝັກປະທານາທິບໍດີ ສະຫະລັດວ່າ: ຈະຊຸກຍູ້ການຜະລິດພາຍໃນປະເທດໃຫ້ເຂັ້ມແຂງ ເພື່ອສ້າງເງື່ອນໄຂນຳໃຊ້ແຮງງານພາຍໃນປະເທດ ໃຫ້ຫຼາຍຂຶ້ນ.

ທ່ານ ໄບເດັນກ່າວວ່າ: “ຂ້າພະເຈົ້າເວົ້າມາແຕ່ດົນແລ້ວວ່າ ບໍ່ເຫັນດີກັບທັດສະນະ ຫັນເປັນອັດຕະໂນມັດ ແລະ ຫັນເປັນສາກົນ ເພາະວຽກງານກຳມະບານຈະບໍ່ເກີດຂຶ້ນຢູ່ໃນສະຫະລັດ. ຂ້າພະເຈົ້າເຊື່ອໝັ້ນວ່າ ພວກເຮົາອາດຈະ ສ້າງມີຊີວິດໃໝ່ ໃຫ້ກັບຂະແໜງການຜະລິດກັບຄືນມາໃໝ່ໄດ້. ພວກເຮົາຕ້ອງນຳໃຊ້ເງິນພາສີ ເພື່ອສ້າງສາປະເທດຊາດ, ພວກເຮົາຈະຊື້ສິນຄ້າພາຍໃນປະເທດ ເພື່ອຊ່ວຍໜູນ ວຽກເຮັດງານທຳໃຫ້ແກ່ປະຊາຊົນ”.

ຊີເອັນເອັນ ໂດຍອ້າງອີງຄຳເວົ້າຂອງປະທານ ສະຫະພັນເຄືອຂ່າຍການຜະລິດຂອງສະຫະລັດ ທ່ານ Scott Paul ຢືນຢັນວ່າ:  ການທີ່ ທ່ານ ໄບເດັນ ລົງນາມໃນຄຳສັ່ງຊຸກຍູ້ການຜະລິດພາຍໃນປະເທດນັ້ນ  ເຮັດໃຫ້ເຂົາກາຍເປັນປະທານາທິບໍດີ “ການຜະລິດໃນສະຫະລັດ” ນັ້ນເອງ.