ບໍ່ຖ້າລັດຖະບານ ໂຮງໝໍເອກະຊົນໃນໄທ ເຈລະຈາຊື້ວັກຊີນຫຼາຍລ້ານໂດສ
ສຳນັກຂ່າວຣອຍເຕີ ລາຍງານ ເມື່ອວັນທີ 18 ມັງກອນ ໂດຍອ້າງອີງຄຳໃຫ້ສຳພາດຂອງທ່ານ Boon Vanasin ປະທານເຄືອຂ່າຍໂຮງໝໍເອກະຊົນ ທົນບູຣີ ກ່າວວ່າ ເຖິງແມ່ນວ່າ ຍັງບໍ່ທັນມີ ວັກຊີນຊະນິດໃດ ຖືກຮັບຮອງຈາກກະຊວງສາທາລະນະສຸກກໍຕາມ, ແຕ່ໂຮງໝໍເອກະຊົນສອງແຫ່ງ ໄດ້ເຈລະຈາຊື້ວັກຊີນຫຼາຍລ້ານໂດສ ຈາກຕ່າງປະເທດ ແລະ ພ້ອມທີ່ຈະສັກໃຫ້ປະຊາຊົນໂດຍບໍ່ຄິດຜົນກຳໄລ. ຜູ້ຕາງໜ້າໃຫ້ໂຮງໝໍເອກະຊົນແຫ່ງໜຶ່ງໃຫ້ຮູ້ວ່າ “ພວກເຮົາບໍ່ສາມາດຈະຖ້າລັດຖະບານໄດ້”.
ເບື້ອງຕົ້ນໄດ້ສັ່ງຊື້ປະມານ 1 ລ້ານໂດສ ຈາກຄູ່ຮ່ວມມື ຈີນ. ເຄິ່ງໜຶ່ງຂອງວັກຊີນທີ່ຊື້ມາ ຈະແບ່ງປັນໃຫ້ກັບ 40 ໂຮງໝໍ ເພື່ອສັກໃຫ້ພະນັກງານການແພດຂອງຕົນ.
ທ່ານ Vanasin ກ່າວວ່າ: ຖ້າລັດຖະບານບໍ່ຮູ້ວ່າປານໃດຈຶ່ງຈະມີວັກຊີນ. ທ່ານກ່າວວ່າ ຖ້າຫາກມີທ່ວງທ່າທີ່ດີ ພວກຕົນຈະຊື້ເພີ່ມຕື່ມ 9 ລ້ານໂດສຈາກ ຊີໂນແວັກ ຈາກຈີນ ເພື່ອສັກບໍລິການໃຫ້ປະຊາຊົນ.
ໃນລະບົບເຄືອຂ່າຍໂຮງໝໍເອກະຊົນອື່ນເຊັ່ນ Vibhavadi ກໍສັ່ງຊື້ 10.000 ໂດສຈາກບໍລິສັດ ໂມເດິນນາ. ເຖິງຂະນະນີ້ ໄທ ຍັງບໍ່ທັນມີການຮັບຮອງຢ່າງເປັນທາງການຕໍ່ກັບວັກຊີນຊະນິດໃດເລີຍ.
