ທ່ານ ຄີມຈອງອູນ ຂຶ້ນເປັນເລຂາທິການໃຫ່ຍຂອງພັກ, ໂຄງການນິວເຄຣຍ ແລະ ສາຍພົວພັນກັບສະຫະລັດອາເມລິກາຈະເປັນແນວໃດ?

ສຳນັກຂ່າວຕ່າງປະເທດລາຍງານ ເມື່ອວັນທີ 12 ມັງກອນນີ້ວ່າ ກ່ອນກອງປະຊຸມໃຫ່ຍພັກແຮງງານ ສປປ ເກົາຫຼີ ຈະປິດສາກລົງ, ຜູ້ນຳສູງສຸດຂອງເກົາຫຼີເໜືອ, ທ່ານ ຄີມຈອງອູນ ໄດ້ຮັບມອບໝາຍໜ້າທີ່ໃໝ່, ຊຶ່ງອາດເຮັດໃຫ້ທ່ານມີອຳນາດຫຼາຍຂຶ້ນກວ່າເກົ່າ.

ພັກແຮງງານເກົາຫຼີເໜືອ ຖືໄດ້ວ່າເປັນພັກກຳອຳນາດດົນທີ່ສຸດໃນໂລກ ແລະຈະຄົບຮອບ 72 ປີໃນປີ 2021 ນີ້.

ກອງປະຊຸມຄັ້ງທີ 8 ຂອງພັກ, ຜູ້ແທນພັກແຮງງານຂອງ ສປປ ເກົາຫຼີ ຮຽກຮ້ອງໃຫ້ມີການປ່ຽນແປງໃໝ່ ຍຸດທະສາດນິວເຄຣຍ ແລະ ພັດທະນາເສດຖະກິດ. ພັກແຮງງານ ສປປ ເກົາຫຼີ ຖືວ່າ ສະຫະລັດເປັນ “ສັດຕູໃຫ່ຍທີ່ສຸດ” ແລະ ພ້ອມກັນນັ້ນ ກໍຍັງຍອມຮັບວ່າ ການພັດທະນາເສດຖະກິດໃນໄລຍະ 5 ປີທີ່ຜ່ານມາ ບໍ່ໄດ້ຕາມແຜນ ອັນເນື່ອງມາຈາກການປິດລ້ອມທາງດ້ານເສດຖະກິດຂອງ ພວກຕາເວັນຕົກ.