ຫວ້ານລືສີຄູນຊັບສະໜູນໄພພື້ນເມືອງທີ່ພວມໄດ້ຮັບຄວາມນິຍົມ

ຄືດັ່ງຮູ້ນໍາກັນແລ້ວວ່າ: ປັດຈຸບັນການບໍລິໂພກອາຫານ ຫລື ຊົມໃຊ້ວັດຖຸສິ່ງຂອງຕ່າງໆໃນ ການດໍາລົງຊີວິດຂອງຄົນເຮົາ ແມ່ນນັບມື້ມີຄວາມສ່ຽງຕໍ່ສຸຂະ ພາບຫລາຍດ້ານ, ເພາະວ່ານັບ ແຕ່ອາຫານການກິນ, ລວມເຖິງ ສະພາບແວດລ້ອມຕ່າງໆອ້ອມ ຕົວເຮົາລ້ວນແຕ່ເຈື່ອປົນໄປດ້ວຍ ສານເຄມີຕ່າງໆທີ່ພວກເຮົາບໍ່ ອາດຫລີກເວັ້ນໄດ້, ແຕ່ພວກ ເຮົາສາມາດຊໍາລະລ້າງສານ ເຄມີຕ່າງໆໃນຮ່າງກາຍໃຫ້ຫລຸດຜ່ອນລົງໄດ້ ແລະ ໜຶ່ງໃນນັ້ນກໍ ແມ່ນຜະລິດຕະພັນຫວ້ານລືສີ ຄູນຊັບ, ເຊິ່ງເປັນສະໝູນໄພ ພື້ນເມືອງລາວທີ່ຜະລິດຢູ່ບ້ານ ໂນນສະຫວ່າງ, ເມືອງວຽງຄໍາ, ແຂວງວຽງຈັນ, ທີ່ໄດ້ຮັບອະນຸ ຍາດການຜະລິດຢ່າງເປັນທາງ ການຈາກກະຊວງສາທາລະ ນະສຸກຂອງລາວເປັນທີ່ຮຽບ ຮ້ອຍແລ້ວ.

+ ເຮັດເຂົ້າຕົ້ມຂາຍກໍມີລາຍໄດ້ດີ

+ ໂຮງງານຜະລິດທອງ-ຄຳພູຄຳ ຕັ້ງເປົ້າຜະລິດທອງໃຫ້ໄດ້ 90 ພັນໂຕນໃນທ້າຍປີນີ້

+ ຜະລິດຕະພັນຄຸນນະພາບຈາກພູມປັນຍາຂອງຊາວບ້ານ

ທ່ານນາງ ພູວີ ພິມມະຈັນ ລໍ່ເຈົ້າຂອງໂຮງງານຜະລິດສະ ໝູນໄພພື້ນເມືອງດັ່ງກ່າວໃຫ້ຮູ້ ວ່າ: ໃນປີ 2010 ຄອບຄົວຂອງ ຕົນເລີ່ມເປີດຮ້ານນວດ ແລະ ໄດ້ທົດລອງນໍາໃຊ້ຢານວດມາ ຫລາຍຍີຫໍ້ທັງພາຍໃນ ແລະ ຕ່າງ ປະເທດ, ຕໍ່ມາຕົນຈຶ່ງໄດ້ຄົ້ນຄິດ ສູດຜະລິດຢານວດຂຶ້ນມາດ້ວຍ ຕົນເອງໂດຍສະກັດຈາກນໍ້າມັນ ຫວ້ານລືສີ, ເຊິ່ງເປັນສະໝູນ ໄພພື້ນເມືອງລາວເຮົາ ເພື່ອເຮັດ ຢານວດໄດ້ປະມານ 6 ຊະນິດ, ຈາກນັ້ນຄອບຄົວໄດ້ ເລີ່ມລົງມື ປູກຫວ້ານດັ່ງກ່າວໃນເນື້ອທີ່ 3 ເຮັກຕາແຕ່ປີ 2011 ເປັນຕົ້ນ ມາ. ຕົກມາຮອດປີ 2014 ຕົນ ເອງມີອາການເຈັບ ປ່ວຍຍ້ອນ ເປັນມະເຮັງມົດລູກ ແລະ ມະ ເຮັງລໍາໄສ້, ຈຶ່ງໄດ້ທົດລອງນໍາ ໃຊ້ສະໝູນໄພດັ່ງກ່າວໃນການ ປີ່ນປົວຕົນເອງປະກົດວ່າອາ ການເຈັບປ່ວຍຄ່ອຍໆດີຂຶ້ນ ແລະ ບໍ່ຮູ້ສຶກເຈັບຈົນ ມາຮອດ ປັດຈຸບັນ, ດ້ວຍເຫດນີ້ຕົນຈຶ່ງໄດ້ ເລີ່ມນໍາເອົາສະໝູນໄພ ດັ່ງກ່າວ ມາສະກັດປຸງແຕ່ງເປັນຊະນິດ ຝຸ່ນຊົງໃສ່ນໍ້າດື່ມເພື່ອຈໍາໜ່າຍ ໃຫ້ແກ່ສັງຄົມໄດ້ທົດລອງກິນ, ໂດຍສະເພາະ ຜູ້ທີ່ເປັນມະເຮັງ ຕ່າງໆ ແລະ ປາກົດວ່າໄດ້ຮັບ ຄວາມນິຍົມຢ່າງກວ້າງຂວາງ ແລະ ໃນປີ 2015 ກໍໄດ້ຮັບກາ ໝາຍສິນຄ້າໜຶ່ງເມືອງໜຶ່ງຜະ ລິດ(ໂອດອບ ODOP), ພ້ອມ ທັງຖືກເຊີນໃຫ້ ເຂົ້າຮ່ວມວາງ ສະແດງຢູ່ສູນການຄ້າລາວ-ໄອ ເຕັກຫລາຍຄັ້ງ.

ທ່ານນາງ ພູວີ ກ່າວວ່າ: ປັດຈຸບັນຜະລິດຕະພັນຈາກໂຮງງານຕົນມີຫລາຍກວ່າ 10 ຊະ ນິດຄື: ຢານວດ, ຊາຝຸ່ນມະຫາ ເມກແຮ້ງຄໍຄໍາ, ຊາລ້າງສານ ພິດ, ແກ້ຮ້ອນໃນ, ຢາປົບກະ ເພາະ, ລົງຂາວ, ປິ່ນປົວມົດລູກ ອັກເສບ, ພະຍາດໜອງໃນ, ຕ່ອມອັນທະອັກເສບ ແລະ ປີ່ນ ປົວປະດົງ.