ໄທພົບຜູ້ຕິດເຊື້ອໂຄວິດ-19 ໃໝ່ 745 ຄົນ ເປັນແຮງງານຕ່າງດ້າວ 577 ຄົນ ເສຍຊີວິດເພີ່ມ 1 ຄົນ
ແຫລ່ງຂ່າວກົມຄວບຄຸມໂຣກ ກະຊວງສາທາລະນະສຸກ ລາຍງານວ່າ: ຜູ້ຕິດເຊື້ອໃໝ່ໂຄວິດ-19 ໃນວັນທີ 4 ມັງກອນ 2020 ມີ 745 ຄົນ, ຕິດເຊື້ອໃນປະເທດ 152 ຄົນ, ສະຖານທີ່ກັກກັນຂອງລັດ 16 ຄົນ, ຕິດເຊື້ອຈາກການຄົ້ນຫາທາງບຸກ 577 ຄົນ, ຢືນຢັນສະສົມ 8.439 ຄົນ, ຕິດເຊື້ອໃນປະເທດ 6.379 ຄົນ, ເສຍຊີວິດເພີ່ມ 1 ຄົນ ສະສົມ 65 ຄົນ ເຊິ່ງຕົວເລກທີ່ເພີ່ມຂຶ້ນເກີດຈາກການຄົ້ນຫາທາງບຸກ ໂດຍໂຮງງານແຫ່ງໜຶ່ງໃນແຂວງສະມຸດສາຄອນພົບການຕິດເຊື້ອ 500 ກວ່າຄົນ.
ຜູ້ເສຍຊີວິດຄົນທີ 65 ເປັນ ຊາຍໄທອາຍຸ 56 ປີ ມີພະຍາດປະຈຳຕົວ ໄຂມັນ, ເບົາຫວານ, ຄວາມດັນເລືອດສູງ, ມີປະຫວັດໄປພື້ນທີ່ສ່ຽງແຂວງສະມຸດປາການ ແລະ ຄອງເຕີຍ. ວັນທີ 28 ທັນວາ 2020 ມີອາການໄຂ້, ປວດກ້າມຊີ້ນ, ກິນເຂົ້າບໍ່ໄດ້. ຈາກນັ້ນ ໄຂ້ຂຶ້ນສູງ, ເມື່ອຍຫອບຫລາຍຂຶ້ນ, ອົກຊີໃນເລືອດຕົກຫລາຍ, ມີອາການປອດອັກເສບ, ເລີ່ມຫົວໃຈລົ້ມເຫລວ ຢືນຢັນເຊື້ອວັນທີ 1 ມັງກອນ 2021. ຈາກນັ້ນ ໃສ່ເຄື່ອງຊ່ວຍຫາຍໃຈ ແລະ ອາການຊຸດລົງເລື້ອຍໆ ຈົນເສຍຊີວິດໃນວັນທີ 3 ມັງກອນຜ່ານມາ.
