10 ເຫດການເດັ່ນໃນລາວ ປີ 2020
December 29, 2020 - 10:04 AM
- ວັນທີ 12 ມີນາ ລັດຖະບານປະກາດໂຈະ ພິທີໂຮມຊຸມນຸມສະເຫຼີມສະຫຼອງວັນສຳຄັນຂອງພັກ, ຂອງຊາດ ເນື່ອງຈາກການລະບາດຂອງພະຍາດໂຄວິດ-19 ຢ່າງກະທັນຫັນ.
- ວັນທີ 23 ມີນາ 2020 ມີຜູ້ຕິດເຊື້ອໂຄວິດ-19 ຄົນທຳອິດໃນລາວ
- ວັນທີ 29 ມີນາ 2020 ປະກາດນຳໃຊ້ຄຳສັ່ງເລກທີ 06/ນຍ ວ່າດ້ວຍມາດຕະການປ້ອງກັນ, ຄວບຄຸມ ແລະ ສະກັດກັ້ນໂຄວິດ-19 ບໍ່ສາມາດເດີນທາງໄປມາຫາສູ່ກັນໄດ້.
- ວັນທີ 1 ພຶດສະພາ 2020 ສຳນັກງານນາຍົກປະກາດປັບໃຊ້ລາຄາໄຟຟ້າສະບັບໃໝ່ ຈາກການໄລ່ 5 ຂັ້ນມາເປັນຂັ້ນດຽວ ແລະ ຫລຸດ 50%ສຳລັບຜູ້ໃຊ້ໄຟໜ້ອຍກວ່າ 150kwh ລົງມາ.
- ວັນທີ 17 ມິຖຸນາ 2020 ກອງປະຊຸມສະໄໝສາມັນຂອງລັດຖະບານ ໄດ້ກຳນົດ 10 ວຽກງານຈຸດສຸມ ທີ່ຈັດຕັ້ງທ້ານເດືອນມີຖຸນາຫາຕົ້ນເດືອນກໍລະກົດປີ 2020. ສືບຕໍ່ຮັກສາສະຖຽນລະພາບທາງດ້ານການເມືອງ, ຮັບປະກັນຄວາມສະຫງົບປອດໄພ ແລະ ຄວາມເປັນລະບຽບຮຽບຮ້ອຍທາງສັງຄົມ, ເພີ່ມທະວີສະກັດກັ້ນແລະ ແກ້ໄຂປາກົດການຫຍໍ້ທໍ້ ໃນສັງຄົມ. ສືບຕໍ່ຈັດຕັ້ງປະຕິບັດແຜນເສດຖະກິດ-ສັງຄົມ ປີ 2020 ແລະ ອື່ນໆ.
- ວັນທີ 24 ມິຖຸນາ 2020 ກອງປະຊຸມສະໄໝສາມັນເທື່ອທີ 9 ສະພາແຫ່ງຊາດຊຸທີ 8, ໄດ້ຮັບຮອງເອົາບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ, ແຜນງົບປະມານ 5 ເດືອນ ຄາດຄະເນ 6 ເດືອນຕົ້ນປີ ແລະ ທິດທາງແຜນການວຽກງານຈຸດສຸມ 6 ເດືອນທ້າຍປີ 2020 ແລະ ອື່ນໆ
- ວັນທີ 21 ພະຈິກ 2020 ການແຂ່ງ ບານເຕະເພື່ອຂໍ່ານັບຮັບຕ້ອນວັນຊາດທີ 2 ທັນວາ ຄົບຮອບ 45 ປີ ທີ່ມີຜູ້ເຂົ້າຊົມເຂົ້າເຊຍຫລາຍທີ່ສຸດ ທຽບໄດ້ກັບກິລາຊີເກມ ທີ່ລາວເປັນເຈົ້າພາບເມື່ອປີ 2009.
- ວັນທີ 23 ພະຈິກ 2020 ພົບຜູ້ຕິດເຊື້ອໃໝ່ທີ່ເດີນທາງເຂົ້າມາລາວ 14 ຄົນ, ເປັນຈຳນວນຫລາຍທີ່ສຸດໃນການຄົ້ນພົບຜູ້ຕິດເຊື້ອໃໝ່ໃນລາວ.
- ວັນທີ 2 ທັນວາ 2020 ໂຮມຊຸມນຸມສະເຫລີມສະຫລອງວັນຊາດຄົບຮອບ 45 ປີ ແລະ 100 ປີ ວັນຄ້າຍວັນເກີດປະທານໄກສອນພົມວິຫານ.
- ວັນທີ 20 ທັນວາ 2020 ເປີດນຳໃຊ້ທາງດ່ວນນະຄອນຫຼວງວຽງຈັນ-ວັງວຽງ.
