ມຽນມາ ຕັ້ງເປົ້າສົ່ງອອກເຂົ້າ 2 ລ້ານໂຕນ ປີງົບປະມານ 2020-2021
December 14, 2020 - 3:42 PM
ສໍານັກຂ່າວຊິນຮົວລາຍງານວ່າ: ກະຊວງການຄ້າມຽນມາ ເປີດເຜີຍວ່າ: ລັດຖະບານມຽນມາຕັ້ງເປົ້າຈະສົ່ງອອກເຂົ້າ ແລະ ເຂົ້າຫັກ ລວມ 2 ລ້ານໂຕນ ໃນປີງົບປະມານ 2020-2021 ເຊິ່ງເລີ່ມຕົ້ນແຕ່ເດືອນຕຸລາຜ່ານມາ.
ຂໍ້ມູນຈາກສະຫະພັນເຂົ້າມຽນມາ (MRF) ລະບຸວ່າ: ມຽນມາບັນລຸເປົ້າໝາຍການສົ່ງອອກເຂົ້າ 2,5 ລ້ານໂຕນ ໃນໄລຍະປີງົບປະມານ 2019-2020.
ທັງນີ້, ມຽນມາສົ່ງອອກເຂົ້າ 232.841 ໂຕນ ແລະ ເຂົ້າຫັກ 117.418 ໂຕນ ເຊິ່ງສ້າງລາຍໄດ້ລວມຫລາຍກວ່າ 131 ລ້ານໂດລາສະຫະລັດ ເມື່ອນັບຮອດວັນທີ 27 ພະຈິກ ຂອງປີງົບປະມານປັດຈຸບັນ ໂດຍສົ່ງອອກຜ່ານທາງດ່ານຊາຍແດນ 41,17% ແລະ ສ່ວນທີ່ເຫລືອຜ່ານທາງທະເລ.
