ສປປ ເກົາຫລີ ອ້າງປະສົບຜົນສຳເລັດ ການທົດລອງຍິງລູກສອນໄຟ
ເຊອຸນ 4 ກໍລະກົດ: ສປປ ເກົາຫລີ ອ້າງວ່າປະສົບຜົນສຳເລັດໃນການທົດລອງຍິງລູກສອນໄຟໃນວັນທີ 4 ກໍລະກົດນີ້, ສ່ວນຍີ່ປຸ່ນລະບຸວ່າ: ລູກສອນໄຟ ສປປ ເກົາຫລີ ຍິງໄດ້ສູງກວ່າ 2.500 ກິໂລແມັດ.
+ ສປປ ເກົາຫລີ ຍິງລູກສອນໄຟ ລົງທະເລຍີ່ປຸ່ນອີກ
ສະຖານີໂທລະພາບຂອງທາງການ ສປປ ເກົາຫລີ ລາຍງານໃນວັນທີ 4 ກໍລະກົດນີ້ວ່າ: ສປປ ເກົາຫລີ ປະສົບຜົນສຳເລັດໃນການທົດລອງຍິງລູກສອນໄຟຂ້າມທະວີບພາຍໃຕ້ການເບິ່ງແຍງຂອງທ່ານ ກິມ ຈອງອິນ ຜູ້ນຳປະເທດ ແລະ ສາມາດໂຈມຕີເປົ້າໝາຍໄດ້ທຸກແຫ່ງທົ່ວໂລກ. ລູກສອນໄຟທີ່ທົດລອງເທື່ອນີ້ຄືຮວາງຊອງ-14 ຍິງຂຶ້ນໄປໃນລະດັບຄວາມສູງເຖິງ 2.802 ກິໂລແມັດ ທຳລາຍເປົ້າໝາຍໄດ້ຢ່າງແນ່ນອນ.
ຂະນະດຽວກັນ, ກະຊວງປ້ອງກັນປະເທດຍີ່ປຸ່ນຖະແຫລງວ່າ: ລູກສອນໄຟຫລ້າສຸດຂອງ ສປປ ເກົາຫລີ ຍິງເຖິງລະດັບຄວາມສູງເກີນ 2.500 ກິໂລແມັດ ໄລຍະບິນ 40 ນາທີ ເປັນໄລຍະທາງ 900 ກິໂລແມັດ ແລ້ວຕົກໃນທະເລຍີ່ປຸ່ນພາຍໃນເຂດເສດຖະກິດສະເພາະຂອງຍີ່ປຸ່ນ, ສ່ວນທ່ານ ເຊບຟຣີ ລູອິສ ຜູ້ອຳນວຍການໂຄງການບໍ່ແຜ່ຂະຫຍາຍອາວຸດນິວເຄຼຍອາຊີຕາເວັນອອກ ສະຖາບັນນາໆຊາດສຶກສາມິດເດິລບຣີຢູ່ອາເມລິກາວ່າ: ເປັນລູກສອນໄຟຂ້າມທະວີບ.
