ເພີ່ມວົງເງິນການຄ້າຫວຽດນາມ – ສ.ເກົາຫຼີ ໃຫ້ບັນລຸ 100 ຕື້ USD ໃນປີ 2023
ສຳນັກຂ່າວສາກົນ ຈາກ ຮ່າໂນ້ຍລາຍງານໃນວັນທີ 13 ທັນວ່ານີ້ວ່າ: ກອງປະຊຸມຄັ້ງທີ 10 ຂອງຄະນະກຳມະການປະສານງານຫວຽດນາມ – ສ.ເກົາຫຼີ ໄດ້ໄຂຂຶ້ນຢ່າງເປັນທາງການ ແລະ ໄດ້ປຶກສາຫາລືກັນ ກ່ຽວກັບການຮ່ວມມືດ້ານພະລັງງານ, ອຸດສາຫະກຳ ແລະ ການຄ້າ(UBHH). ກອງປະຊຸມຄັ້ງທີ 4 ຂອງຄະນະກຳມະການປະສານງານສັນຍາການຄ້າເສລີຫວຽດນາມ – ສ.ເກົາຫຼີ ໄດ້ດຳເນີນຢູ່ຮ່າໂນ້ຍໃນໄລຍະທີ່ຜ່ານມາ.
ທີ່ກອງປະຊຸມຄັ້ງນີ້ ສອງຝ່າຍໄດ້ປຶກສາຫາລືກັນດ້ານ ພະລັງງານ, ອຸດສາຫະກຳ ແລະ ການຄ້າ. ທ່ານລັດຖະມົນຕີກະຊວງອຸດສາຫະກຳ ແລະ ການຄ້າຫວຽດນາມເຈີ່ນຕວັນແອັງ ແລະ ທ່ານ Sung Yonu ລັດຖະມົນຕີກະຊວງການຄ້າ, ອຸດສາຫະກຳ ແລະ ພະລັງງານສ.ເກົາຫຼີ ໄດ້ຕົກລົງເປັນເອກະພາບຮັບຮອງເອົາ ແລະ ມຸ່ງໄປເຖິງການລົງນາມໃນແຜນປະຕິບັດງານ ເພື່ອປະຕິບັດເປົ້າໝາຍນຳວົງເງິນການຄ້າ ສອງຝ່າຍຫວຽດນາມ – ສ. ເກົາຫຼີ ຂຶ້ນເຖິງ 100 ຕື້ USD ຕາມທິດສົມດຸນກວ່າໃນປີ 2023.
ທີ່ກອງປະຊຸມຄັ້ງທີ 4 ຂອງຄະນະກຳມະການປະສານງານປະຕິບັດສັນຍາການຄ້າເສລີຫວຽດນາມ – ສ.ເກົາຫຼີ, ລັດຖະມົນຕີສອງທ່ານໄດ້ແລກປ່ຽນເນື້ອການຮ່ວມມືເພື່ອສ້າງກອບກົດໝາຍທີ່ເອື້ອອຳນວຍໃຫ້ແກ່ການຈັດຕັ້ງປະຕິບັດ ແລະ ນຳໃຊ້ບັນດາຜົນປະໂຫຍດທີ່ສັນຍາ VKFTA ນຳມາຜົນປະໂຫຍດໃຫ້ດີທີ່ສຸດ. ພ້ອມດຽວກັນນັ້ນ, ປະຕິບັດໃຫ້ສຳເລັດການກໍ່ສ້າງລະບົບແລກປ່ຽນຂໍ້ມູນກ່ຽວກັບຕົ້ນກຳເນີດຂອງເອເລັກໂຕຣນິກໃນຂອບຂອງສັນຍາ VKFTA ດ້ວຍຈຸດປະສົງຫຼຸດຜ່ອນເວລາ ແລະ ຄ່າໃຊ້ຈ່າຍສຳລັບສິນຄ້າລະຫວ່າງສອງຝ່າຍ.
