ຍີ່ປຸ່ນ ອັດສີດ 700 ຕື້ດອນລາ ເພື່ອກອບກູ້ເສດຖະກິດ

ວັນທີ 8 ທັນວານີ້, ນາຍົກລັດຖະມົນຕີ Suga Yoshihide ຖະແຫຼງວ່າ: ຍີ່ປຸ່ນຈະຈັດຕັ້ງປະຕິບັດຮ່ວງກະຕຸ້ນເສດຖະກິດຈຳນວນ 73,6 ຕື້ເຢັນ ຫຼື ປະມານ 708 ຕື້ດອນລາສະຫະລັດ ເພື່ອຟື້ນຟູເສດຖະກິດທີ່ໄດ້ຮັບຜົນກະທົບຈາກການລະບາດຂອງພະຍາດໂຄວິດ-19.

ຄຳຖະແຫຼງການດັ່ງກ່າວມີຂຶ້ນ ພາຍຫຼັງບັນດາຜູ້ນຳໂລກໄດ້ມີຄວາມພະຍາຍາມສ້າງການເງິນຂຶ້ນມາ ເພື່ອສະກັດກັ້ນບໍ່ໃຫ້ເສດຖະກິດໂລກຖົດຖອຍລົງກວ່ານີ້ ໃນຂະນະທີ່ຫຼາຍປະເທດໄດ້ມີການປິດປະເທດ ອັນເນື່ອງມາຈາກການລະບາດຂອງພະຍາດໂຄວິດ-19, ຫຼາຍລ້ານຄົນຕ້ອງຕົກງານ.

ເສດຖະກິດຂອງຍີ່ປຸ່ນ ເປັນເສດຖະກິດໃຫ່ຍລະດັບ 3 ຂອງໂລກ, ໄດ້ມີທ່າທີການຟື້ນຕົວກັບຄືນມາໃນລະຫວ່າງເດືອນກໍລະກົດທີ່ຜ່ານມາ ພາຍຫຼັງຜ່ານພົ້ນການວິກິດຢ່າງຮ້າຍແຮງຫຼັງສົງຄາມໂລກຄັ້ງທີສອງ.

ເຖິງຢ່າງໃດກໍຕາມ, ບັນດານັກຊ່ຽວຊານກະຕວງວ່າ ເສດຖະກິດຂອງຍີ່ປຸ່ນຈະຟື້ນຕົວແບບຊ້າໆ ຫຼັງໂຄວິດ-19 ລະບາດເປັນຄັ້ງທີສາມ.