ອຸທາຫອນສອນໄວ້ຢ່າດັງໄຟໄວ້ໃນຫ້ອງນອນ

ຕອນເຊົ້າວັນທີ 3 ທັນວານີ້ , ອຳນາດການປົກຄອງ ຕາແສງ ດົງແຈັກ ເມືອງ ໂບແຈັກ ແຂວງກວາງບິ່ງ ສສ ຫວຽດນາມ ລາຍງານວ່າ ໃນພື້ນທີ່ເມືອງຂອງພວກຕົນ ໄດ້ເກີດມີເຫດການ ຂາດອາກາດຫາຍໃຈ, ເຮັດໃຫ້ 4 ແມ່ລູກຕ້ອງນອນໝົດສະຕິຢູ່ເທິງຕຽງ.

ມີປະຊາຊົນພົບເຫັນຢູ່ໃນຄອບຄົວຂອງທ້າວ ເຢືອງຊີແທັງ ມີ 4 ຄົນກຳລັງນອນໝົດສະຕິຢູ່ເທິງຕຽງ ຊຶ່ງລວມມີ ນາງ ເຈິນຖິຖຸຍລານ(ຜູ້ເປັນເມຍ), ລູກສາວ ອາຍຸ 9 ຂວບ, ລູກອີກຜູ້ໜຶ່ງ 4 ຂວບ ແລະ ລູກຫຼ້າ 1 ຂວບ.

ເມື່ອເຈົ້າໜ້າທີ່ເຂົ້າກວດກາເບິ່ງ ຫ້ອງນອນຂອງພວກເຂົາ ກໍພົບວ່າ ລູກຜູ້ອາຍຸ 9 ຂວບ ແລະ 4 ຂວບເສຍເສຍຊີວິດແລ້ວ. ສ່ວນລູກຜູ້ 1 ຂວບກັບຜູ້ເປັນແມ່ຖືກນຳສົ່ງໂຮງໝໍຢ່າງຮີບດ່ວນ. ຜູ້ເປັນລູກອາຍຸ 1 ຂວບໄດ້ຮັບການຟອກເລືອດ, ສ່ວນຜູ້ເປັນແມ່ນອນສະຫຼົບໝົດສະຕິບໍ່ຮູ້ເມື່ອຄີງ.

ຢູ່ໃນຫ້ອງນອນຂອງ 4 ແມ່ລູກພົບວ່າ ມີຊາມຖ່ານໄຟດັງປະໄສ້ໃນຫ້ອງເພື່ອໃຫ້ຄວາມອົບອຸ່ນໃນຍາມນອນ.