ກຳປູເຈຍ ພົບເຫັນການແຜ່ເຊື້ອຢູ່ພາຍໃນ ເປັນເທື່ອທຳອິດ

ຜູ້ອຳນວຍການໃຫ່ຍຄວບຄຸມສູນກັກກັນ Chhem Savuth ພ້ອມດ້ວຍສະມາຊິກໃນຄອບຄົວ 5 ຄົນຕິດເຊື້ອໂຄວິດ-19, ນີ້ຖືໄດ້ວ່າເປັນການລະບາດພາຍໃນເປັນຄັ້ງທຳອິດໃນກຳປູເຈຍ.

ຜູ້ອຳນວນການຄົນດັ່ງກ່າວ ອາດຈະຕິດເຊື້ອຈາກພັນລະຍາຂອງຕົນເອງ ຊຶ່ງເປັນຜູ້ມີຜົນກວດເປັນບວກໃນວັນທີ 28 ພະຈິກທີ່ຜ່ານມາ. ນອກຈາກນີ້ ຜົນກວດຂອງ 4 ຄົນໃນຄອບຄົວກໍລ້ວນແຕ່ເປັນຜົນບວກທັງໝົດ.

ຂະນະນີ້ ເຈົ້າໜ້າທີ່ກຳປູເຈຍ ກຳລັງເລັ່ງມືກວດຫາທີ່ມາຂອງພະຍາດເປັນວົງກວ້າງ ເພື່ອສະກັດກັ້ນບໍ່ໃຫ້ແຜ່ລະບາດໄປສູ້ຊຸມຊົນໃນນະຄອນຫຼວງພະນົມເປັນ.

Chhem Savuth ໄດ້ໃກ້ສິດສຳຜັດກັບເຈົ້າໜ້າທີ່ຂັ້ນສູງໃນລັດຖະບານຫຼາຍຄົນ, ໃນນັ້ນມີ ຮອງລັດຖະມົນຕີ 2 ຄົນ, ລັດຖະມົນຕີກະຊວງຍຸຕິທຳ ພ້ອມກັບເຈົ້າໜ້າທີ່ຕຳຫຼວດ. ທ່ານ ຮຸນເຊັນ ນາຍົກລັດຖະມົນຕີ ກຳປູເຈຍ ຮຽກຮ້ອງໃຫ້ຈຳນວນຄົນດັ່ງກ່າວ ປະຕິບັດມາດຕະການກັກກັນເປັນເວລາ 14 ວັນ ແລະ ກວດຫາເໍື້ອໄວຣັດເປັນປະຈຳ.

ຂະນະນີ້ຢູ່ກຳປູເຈຍມີຜູ້ຕິດເຊື້ອໂຄວິດ-19 ທັງໝົດ 315 ຄົນ, ໃນນັ້ນເປັນຄົນກຳປູເຈຍ 197 ຄົນ, ຄົນຝຣັ່ງ 45 ຄົນ, ຄົນຈີນ 18 ຄົນ, ມາເລເຊຍ 13 ຄົນ, ອີນໂດເນເຊຍ 9 ຄົນ, ອັງກິດ 6 ຄົນ, ຫວຽດນາມ 3 ຄົນ, ສະຫະລັດ 9 ຄົນ, ການາດາ 3 ຄົນ, ອິນເດຍ 3 ຄົນ, ຮົງກາຣີ 2 ຄົນ, ປາກິດສະຖານ 2 ຄົນ, ເບັນຢຽມ 1 ຄົນ, ກາຢັກສະຖານ 1 ຄົນ ແລະ ເນເທີແລນ 1 ຄົນ.