ຊົມເຊີຍຜົນງານທີ່ຍິ່ງໃຫຍ່ຂອງກະຊວງ ໂທລະຄົມມະນາຄົມ ແລະ ການສື່ສານ ທີ່ຍາດມາໄດ້ຕະຫຼອດ 5 ປີທີ່ຜ່ານມາ

ໂດຍ: ລູກເມືອງພວນ

ກະຊວງໂທລະຄົມມະນາຄົມ ແລະ ການສື່ສານ ຖືວ່າເປັນກະຊວງໜຶ່ງທີ່ສຳຄັນໃນການພັດທະນາເສດຖະກິດ-ສັງຄົມຂອງຊາດ ໂດຍສະເພາະແມ່ນການເຊື່ອມໂຍງຢ່າງບໍ່ມີພົມແດນທາງດ້ານຂໍ້ມູນຂ່າວສານ ໄດ້ຢ່າງລົງຕົວກັບສາກົນ ແລະ ພາກພື້ນ. ການພັດທະນາເສດຖະກິດ-ສັງຄົມຂອງປະເທດກໍໄດ້ຫັນເຂົ້າສູ່ຍຸກດີຈິຕອນເທື່ອລະກ້າວ.

ຕະຫຼອດໄລຍະ 5 ປີທີ່ຜ່ານມາ, ທາງກະຊວງດັ່ງກ່າວໄດ້ມີຄວາມພະຍາຍາມ ເຮັດທຸກສິ່ງທຸກຢ່າງ ເພື່ອໃຫ້ລາວເຮົາສາມາດເຊື່ອມໂຍງເຂົ້າກັບສາກົນດ້ວຍນະວັດຕະກຳໃໝ່ ທີ່ທັນສະໄໝ ຫຼື ອັນທີ່ເອີ້ນກັນວ່າຍຸກ ໄອທີ ແລະ ຍຸກ ໄອຊີທີ ທີ່ຄົນບູຮານເວົ້າກັນວ່າ: “ຍຸກຫູແກ້ວຕາທິບ”, “ຍຸກມຸດດິນບິນບົນ”. “ຍຸກໜ່ວຍໂລກທໍ່ໃບຂາມ”…ນີ້ຄືບາດກ້າວກະໂດດຂັ້ນທາງດ້ານວິທະຍາສາດ ເຕັກໂນໂລຊີທີ່ທັນສະໄໝ ໂດຍແມ່ນກະຊວງໂທລະຄົມມະນາຄົມ ແລະ ການສື່ສານ ເປັນຕົວຫຼັກໃນການຂັບເຄື່ອນ ເຮັດໃຫ້ປະເທດລາວເຮົາມີຄວາມຈະເລີນກ້າວໜ້າຄືທຸກວັນນີ້. ຊຶ່ງຜົນງານດ່ັງກ່າວແມ່ນມີມາກມາຍກ່າຍກອງ ຊຶ່ງພວກເຮົາບໍ່ສາມາດທີ່ຈະຍົກຂຶ້ນມາເວົ້າຢູ່ໃນທີ່ນີ້ໄດ້ໝົດ, ພວກເຮົາຂໍຍົກເອົາບາງດ້ານທີ່ພົ້ນເດັ່ນທີ່ສຸດມາເລົ່າສູ່ກັນຟັງ. ຜົນສຳເລັດໃຫຍ່ໆສະແດງອອກຄື:

1. ສຳເລັດການຕິດຕັ້ງໂປຣແກມຕິດຕາມເຄື່ອງຝາກ(IPSPost) ໃສ່ຈຸບໍລິການໄດ້ 17 ແຂວງ ແລະ ຕິດຕັ້ງປ່ອງບໍລິການໄປສະນີອັດຕະໂນມັດ 63 ແຫ່ງຂອງເຂດທົ່ວປະເທດ, ຊຸກຍູ້ໃຫ້ຜູ້ປະກອບການເອົາໃຈໃສ່ບໍລິການໂດຍການນຳໃຊ້ລະຫັດໄປສະນີ 5 ຕົວເລກໃນຂອບເຂດທົ່ວປະເທດ.
2. ສ້າງສຳເລັດສູນສຳຮອງອີນເຕີເນັດແຫ່ງຊາດທີ່ພາກເໜືອ ແລະ ພາກກາງ.
3. ສຳເລັດການສ້າງສະຖານີກວດກາຄື່ນຄວາມຖີ່ວິທະຍຸສື່ສານແບບບໍ່ມີຄົນປະຈຳ(Remote Monitoring Station) 3 ແຫ່ງທີ່ນະຄອນຫຼວງວຽງຈັນ.
4. ສຳເລັດການສົ່ງດາວທຽມແຊັດ-1 ຊຶ່ງເປັນບ້ວງທຳອິດຂອງ ສປປ ລາວ ຂຶ້ນສູ່ວົງໂຄຈອນ128.5 ອົງສາຕາເວັນອອກ ແລະ ສະຖານີພາກພື້ນດິນທີ່ປະກອບດ້ວຍລະບົບບັນຊາ, ລະບົບໂທລະພາບ ແລະ ໂທລະຄົມມະນາຄົມ, ເຄືອຂ່າຍບໍ່ໃຊ້ສາຍຄວາມໄວສູງ.
5. ສຳເລັດການປັບປຸງສູນຂໍ້ມູນ ເພື່ອໃຫ້ມີພື້ນທີ່ໂຄງລ່າງໄດ້ມາດຕະຖານ ລະບົບເຕັກນິກທີ່ທັນສະໄໝ, ລະບົບຄວາມປອດໄພທີ່ຮັບປະກັນ ແລະ ໄດ້ໃຫ້ບໍລິການສູນຂໍ້ມູນເອເລັກໂຕຣນິກໃຫ້ແກ່ບັນດາອົງການຈັດຕັ້ງລັດ ແລະ ເອກກະຊົນເຊັ່ນ: ບໍລິການຝາກເວບໄຊໄດ້ 200 ເວບໄຊ, ບໍລິການລະບົບອີເມວທາງການໄດ້ 1.900 ຢູເຊີ;
6. ຫັນໃຫ້ລັດຖະບານເຂົ້າສູ່ທັນສະໄໝດ້ານລະບົບດີຈິຕອນ ຊຶ່ງໄດ້ຕິດຕັ້ງລະບົບກອງປະຊຸມທາງໄກ ຫຼື (Video Conference) ສຳເລັດຂັ້ນສູນກາງຈຳນວນ 17 ພາກສ່ວນ ແລະ ຂັ້ນທ້ອງຖິ່ນ 32 ພາກສ່ວນ, ພແນກ ປທສ 18 ແຂວງ/ນະຄອນ ແລະ ຫ້ອງວ່າການ 14 ແຂວງ.
7. ສຳເລັດການເຊື່ອມຕໍ່ລະບົບເຄືອຂ່າຍພາຍໃນໃຫ້ແກ່ 5 ກະຊວງ, 4 ໂຮງໝໍ, ດ່ານສາກົນ 5 ຈຸດຫາສູນຂໍ້ມູນແຫ່ງຊາດ, ສຳເລັດການຕິດຕັ້ງລະບົບເຊີເວີແລະ ອຸປະກອນໄອທີ ເພື່ອຮັບໃຊ້ການເຊື່ອມໂຍງຂໍ້ມູນເສດຖະກິດສັງຄົມຂອງລັດຖະບານ, ສຳເລັດການສ້າງລະບົບ e-Government portal
8. ສຳເລັດການຍົກຍ້າຍລະຫັດຊື່ອີນເຕີເນັດສູງສຸດ ດອດແອວເອ(.LA) ຈາກຕ່າງປະເທດມາຄຸ້ມຄອງຢູ່ ສປປ ລາວ ແລະ ສົ່ງເສີມການນຳໃຊ້ລະຫັດອີນເຕີເນັດດອດລາ ມີຜູ້ນຳໃຊ້ຫຼາຍກວ່າ 43,982 ໂດເມັນ ຈຳນວນບໍລິມາດ IP ທັງໝົດ 220 MB.
9. ສຳເລັດການສ້າງສູນຮຽນຮູ້ການນຳໃຊ້ເຕັກໂນໂລຊີການສື່ສານຂໍ້ມູນຂ່າວສານຈຳນວນ 1 ແຫ່ງທີ່ແຂວງໄຊສົມບູນ ແລະ 1 ແຫ່ງທີ່ເມືອງສັງທອງ.
10. ສຳເລັດການສຳຫຼວດຂໍ້ມູນການຊົມໃຊ້ ໄອຊີທີ ຕົວຈິງຄັ້ງທີ 1 ປະຈຳປີ 2017ຂອງຂະແໜງການ ປທສ ຊີ້ໃຫ້ເຫັນວ່າມີອັດຕາສ່ວນປະຊາຊົນຮູ້ນຳໃຊ້ຄອມພິວເຕີ 36% ລື່ນແຜນ 6% ແລະ ຮູ້ນຳໃຊ້ອີນເຕີເນັດ 51% ຂອງປະຊາກອນທັງໝົດ, ລື່ນແຜນ 6%, ອັດຕາສ່ວນຄົວເຮືອນໃຊ້ຄອມພິວເຕີ 27% ລື່ນແຜນ 7%, ອັດຕານຳໃຊ້ໂທລະສັບຕັ້ງໂຕະມີສາຍ ແລະ ບໍ່ມີສາຍ 45% ລື່ນແຜນ 30% ແລະ ອັດຕາໃຊ້ໂທລະສັບມືຖື 92% ຂອງປະຊາກອນທັງໝົດ. ໃຊ້ອິນເຕີເນັດຄວາມໄວສູງມີສາຍ ແລະ ບໍ່ມີສາຍ 37%.
11. ສຳເລັດເຄືອຂ່າຍສາຍສົ່ງດ້ວຍສາຍກາບໃຍແກ້ວ(Optic Fiber) ທາງອາກາດ ແລະ ຝັງດິນໄດ້ 22.907 ກມ ຊຶ່ງປັດຈຸບັນມີທັງໝົດ 90.258 ກມ.
12. ຂະຫຍາຍສະຖານີຮັບສົ່ງສັນຍານໄທລະສັບມືຖືໄດ້ 1.106 ສະຖານີ ປັດຈຸບັນລວມທັງໝົດ 7.882 ສະຖານີ( 2ຈິ, 3ຈີ ແລະ 4 ຈີ)ຄອບຄຸມ 95%,​81% ແລະ 53%.
13. ພິເສດຊ່ວງໄລຍະໂຄວິດ-19 ນີ້ກະຊວງ ປທສ ສຸມໃສ່ວຽກງານບູລິມະສິດທີ່ສຳຄັນໂດຍຍາດໄດ້ຜົນງານພົ້ນເດັ່ນຄື:

– ສຳເລັດຕິດຕັ້ງກອງປະຊຸມທາງໄກ(Video Conference) ໃຫ້ແກ່ອົງການຈັດຕັ້ງພັກ-ລັດ, ອົງການຈັດຕັ້ງມະຫາຊົນ ແລະ ບັນດາແຂວງທົ່ວປະເທດ.

– ສຳເລັດການສ້າງເວບໄຊ ໂຄວິດ-19.

– ສຳເລັດການຕິດຕັ້ງ ໂປຣແກມ ຕິດຕາມເຝົ້າລະວັງ(LaoKYC)  ໃຫ້ແກ່ກະຊວງສາທາລະນະສຸກ.

– ເປີດບໍລິການສາຍດ່ວນ 165 ແລະ 166 .

– ຊຸກຍູ້ໃຫ້ພະນັກງານເຮັດວຽກຢູ່ເຮືອນ, ເພີ່ມສັນຍານຂຶ້ນ ຫຼຸດອັດຕາຄ່າອິນເຕີເນັດລົງ ແລະ ຄ່າໂທທຸກປະເພດ

– ຊ່ວຍຊຸກຍູ້ງົບປະມານໃຫ້ລັດຖະບານຕ້ານໂຄວິດ-19 14.788 ຕື້ກີບ, ຊ່ວຍເປັນວັດຖຸ ຄ່າບໍລິການ ແລະ ເປັນເງິນສົດ 2.500 ຕື້ກີບໝ ມອບເງິນຊ່ວຍເຫຼືອຈຳນວນ 2.248 ຕື້ກັບ.

ຜົນສຳເລັດວຽກງານໄປສະນີມີຄື:

1. ສຳເລັດການກວດກາ ແລະ ປັບປຸງຄືນໃໝ່ການເຄື່ອນໄຫວທຸລະກິດຂອງບໍລີສັດ ລັດວິສາຫະກິດໄປສະນີລາວ ແລະ ສະຖາບັນເງິນຝາກປະຢັດ.
2. ສຳເລັດການປັບປຸງເລກລະຫັດໄປສະນີ 5 ຕົວເລກ ໃນຂອບເຂດທົ່ວປະເທດ.
3. ້າງມາດຕະຖານເຕັກນິກໄປສະນີເພື່ອເປັນບ່ອນອີງໃຫ້ແກ່ບັນດາຜູ້ປະກອບການໃນການຍົກສູງຄຸນນະພາບການບໍລິການ.
4. ສຳເເລັດການກຳນົດຮູບແບບ ແລະ ຂອບເຂດຂອງການບໍລິການດ້ານໄປສະນີ.
5. ສ້າງສຳເລັດແຜນຍຸດທະສາດພັດທະນາວຽກງານຂະແໜງໄປສະນີ2021-2025.
6. ສຳມະນາລະບົບປະຕູຖານຂໍ້ມູນການບໍລິການໄປສະນີ postal.info.la ແລະ ລະບົບໂປຣແກມເຂົ້າຫາປະຕູຖານຂໍ້ມູນຜ່ານມືຖື.

ນັ້ນພຽງແຕ່ເປັນສ່ວນໃດສ່ວນໜຶ່ງຂອງຜົນງານທັງໝົດຕະຫຼອດ 5 ປີທີ່ຜ່ານມາເທົ່ານັ້ນ ຊຶ່ງພວກເຮົາບໍ່ສາມາດຈະເອົາມາເອກອ້າງຢູ່ທີ່ນີ້ໄດ້ທັງໝົດ. ໄປພ້ອມກັບຜົນງານ ແລະ ໄຊຊະນະທີ່ຍາດມາໄດ້ ເປັນທີ່ແນ່ນອນວ່າກໍຍັງມີບາງດ້ານທີ່ທາງກະຊວງກ່ຽວຂ້ອງຈະຕ້ອງໄດ້ເອົາໃສ່ແກ້ໄຂໃນຕໍ່ໜ້າມີບາງດ້ານຕໍ່ໄປນີ້:

1. ວຽກງານການສຶກສາອົບຮົມການເມືອງ-ແນວຄິດຍັງບໍ່ທັນເຮັດໄດ້ຢ່າງເລີກເຊິ່ງ ແລະ ຕໍ່ເນື່ອງອີຫຼີ
2. ແບບແຜນການນຳພາ, ແບບແຜນວິທີເຮັດວຽກຂອງຄະນະໜ່ວຍພັກບາງບ່ອນບໍ່ທັນດີເທົ່າທີ່ຄວນ, ຫຼາຍໜ່ວຍພັກຍັງບໍ່ທັນແທດເຖິງຮາກຖານ.
3. ການຄຸ້ມຄອງບໍລີຫານ ແລະ ການເຄື່ອນໄຫວທຸລະກິດຂອງບາງລັດວິສາຫະກິດທີ່ຂຶ້ນກັບຍັງບໍ່ທັນຮັດກຸ່ມ.
4. ການປະຕິບັດພັນທະວ່າດ້ວຍການບໍລີການໄປສະນີແບບທົ່ວເຖິງຍັງເຮັດບໍ່ໄດ້ດີ.
5. ການເຜີຍແຜ່ ແລະ ສ້າງຄວາມເຂົ້າໃຈໃຫ້ສັງຄົມຕໍ່ກັບກັບການນຳໃຊ້ສື່ສັງຄົມອອນລາຍຢ່າງມີຈັນຍາບັນ ແລະ ມີຄວາມຮັບຜິດຊອບ.
6. ການຄຸ້ມຄອງທາງດ້ານເຕັກນິກ ແລະ ທາງດ້ານນິຕິກຳຍັງບໍ່ສົມຄູ່ກັນ ແລະ ບໍ່ທັນກັບສະພາບການຂະຫຍາຍຕົວໄວແລະ ທັນສະໄໝຂຶ້ນເລື້ອຍໆ.
7. ການສ້າງສູນອິນເຕີເນັດສຳຮອງບໍ່ປະຕິບັດໄດ້ຕາມແຜນ.
8. ການຂະຫຍາຍເຄືອຂ່າຍອິນເຕີເນັດຄວາມໄວສູງໄປສູ່ເຂດຊົນນະບົດໃນຂອບເຂດທົ່ວປະເທດ ບໍ່ທັນໄດ້ດີເທົ່າທີ່ຄວນ.
9. ການສ້າງກອງທຶນໂທລະຄົມມະນາຄົມບໍ່ທັນເຮັດໄດ້ດີ.
10. ການຫັນເປັນລະບົບການບໍລີການດ້ວຍເອເລັກໂຕີ້ນິກເຂົ້າໃນທຸກພາກສ່ວນ ຂະແໜງການຂອງພັກ-ລັດບໍ່ທັນບັນລຸເປົ້າໝາຍ.
11. ການສ້າງສິ່ງແວດລ້ອມໃນການນຳໃຊ້ໄອຊີທີ ໂດຍສະເພາະແມ່ນ SMEs ແລະ Startup ເຮັດບໍ່ທັນໄດ້.
12. ການຄຸ້ມຄອງສັນຍານລົບກວນສັນຍານຄື້ນຄວາມຖີ່ໂທລະຄົມ ແລະ ອີນເຕີເນັດຈາກປະເທດເພື່ອນບ້ານຍັງເຮັດບໍ່ທັນໄດ້ດີ.
13. ການປະສານສົມທົບກັບຂະແໜງການຕ່າງໆໃນການພັດທະນາ ໄອຊີທີ ຍັງບໍ່ທັນໄດ້ເອົາໃຈໃສ່ດີອີຫຼີ…