ພົບໄວຣັສຊະນິດໃໝ່ ! ຕິດຕໍ່ຈາກຄົນສູ່ຄົນ ລະບາດຢູ່ໂບລິເວຍ ເສຍຊີວິດແລ້ວ 3 ຄົນ
ນັກວິໄຈຈາກສູນປ້ອງກັນ ແລະ ຄວບຄຸມພະຍາດອາເມລິກາ (CDC) ຄົ້ນພົບໄວຣັສຫາຍາກຢູ່ປະເທດໂບລິເວຍ ໂດຍເປັນໄວຣັສຕະກູນດຽວກັບ “ໄຂ້ອີໂບລາ” ທີ່ເຮັດໃຫ້ເກີດອາການໄຂ້ທີ່ມີອາການເລືອດອອກໃນອະໄວຍະວະພາຍໃນ ສາມາດຕິດຕໍ່ຈາກຄົນສູ່ຄົນໄດ້ ໂດຍນັກວິໄຈເຊື່ອວ່າ: ໄວຣັສຊະນິດນີ້ອາດມີໜູເປັນພາຫະ ແລະ ຕິດຕໍ່ມາສູ່ຄົນ.
ຄົນເຈັບທີ່ຕິດໄວຣັສຊະນິດນີ້ຈະມີໄຂ້, ປວດກ້າມຊີ້ນ, ຮາກ, ມີເລືອດອອກຢູ່ເຫືອກ, ມີຜືນຢູ່ຜິວໜັງ, ປວດຫລັງດວງຕາ. ປັດຈຸບັນຍັງບໍ່ມີຢາປິ່ນປົວ ຄົນເຈັບຈະໄດ້ຮັບການປິ່ນປົວຕາມອາການ ເທົ່ານັ້ນ.
ຢ້ອນກັບໄປເມື່ອປີ 2019 ມີຄົນເຈັບ 2 ຄົນຕິດໄວຣັສນີ້ ແລ້ວແຜ່ໄປໃສ່ບຸກຄະລາກອນທາງການ ແພດອີກ 3 ຄົນ ໃນນະຄອນຫລວງລາປາ ຂອງໂບລິເວຍ ເຊິ່ງຕໍ່ມາຄົນເຈັບ 1 ຄົນ ແລະ ບຸກຄະລາ ກອນທາງການແພດ 2 ຄົນໄດ້ເສຍຊີວິດ ເຊິ່ງນັກວິໄຈຫລາຍຄົນເຊື່ອວ່າ: ມີຄວາມເປັນໄປໄດ້ທີ່ໄວຣັສນີ້ ລະບາດມາຫລາຍປີແລ້ວ ໂດຍບໍ່ມີໃຜກວດພົບ ເພາະມັກຖືກບົ່ງມະຕິຜິດວ່າເປັນພະຍາດໄຂ້ເລືອດອອກທີ່ ເກີດຈາກໄວຣັສອີກຊະນິດໜຶ່ງທີ່ອອກລິດຄືກັນ.
