ນາຍົກລັດຖະມົນຕີ ອັງກິດ ກັກຕົວເປັນຄັ້ງທີສອງຈາກໂຄວິດ-19
ສຳນັກຂ່າວຕ່າງປະເທດຈາກ Worldometers ລາຍງານວ່າ ເມື່ອໄລ່ມາເຖິງຕອນເຊົ້າຂອງວັນທີ 16 ພະຈິກນີ້ ທົ່ວທັງໂລກມີຜູ້ຕິດເຊື້ອໃໝ່ເກືອບ 54,8 ລ້ານຄົນແລ້ວ ຈາກພະຍາດໂຄໂຣນາ ສາຍພັນໃໝ່, ໃນນັ້ນ 1,3 ລ້ານຄົນເສຍຊີວິດ ແລະ ມີຜູ້ປົວຫາຍດີທົ່ງທັງໂລກຫຼາຍກ່ວາ 38,1 ລ້ານຄົນ. ໃນັ້ນ ອາເມລິການຍັງນຳໜ້າໂລກຂອງຜູ້ຕິດເຊື້ອ ແລະ ເສຍຊີວິດ.
ໂຄສົກໃນເມືອງ ດາວນິງ ລາຍງານວ່າ ອົງການກວດສອບ ແລະ ການບໍລິການດ້ານສາທາລະນະສຸກແຫ່ງຊາດ ອັງກິດລາຍງານເມື່ອວັນທີ 15 ພະຈິກນີ້ວ່າ ນາຍົກລັດຖະມົນຕີ ບໍຣິດ ຈອນສັນ ຈຳເປັນຕ້ອງກັກຕົວ ພາຍຫຼັງທ່ານມີການໃກ້ຊິດຕິດແທດກັບ ບັນດາສະມາຊິກສະພາທີ່ມີການຕິດເຊື້ອມີຜົນເປັນບວກ. ທັນໃດທ່ານກໍຕື່ນຕົວປະຕິບັດຕົນເອງຕາມຄຳແນະນຳຂອງທາງການແພດໝໍ.
ໜັງສືພິມ Guardian ໂດຍອ້າງຄຳຖະແຫຼງຂອງໂຄສົກວ່າ ທ່ານ ຈອນສັນ ອາຍຸ 53 ປີ ຍັງມີສຸຂະພາບແຂງແຮງດີ ແລະ ບໍ່ໄດ້ສະແດງອາການໃດໆອອກມາ ແລະ ເຂົາຍັງຈະສືບຕໍ່ເຮັດວຽກເປັນປົກກະຕິໃນໄລຍະກັກຕົວ ນັບທັງບັນຊາການຮັບມືກັບໂຄວິດ-19 ອີກດ້ວຍ.
