ໄບເດັນ ລົມສາຍກັບບັນດາຜູ້ນຳ ອັງກິດ, ຝຣັ່ງ ແລະ ເຢຍລະມັນ
ສຳນັກຂ່າວຕ່າງປະເທດລາຍງານເມື່ອວັນທີ 11 ພະຈິກນີ້ວ່າ ທ່ານໂຈໄບເດັນ ຜູ້ຊະນະການເລືອກຕັ້ງປະທານາທິບໍດີສະຫະລັດ ໄດ້ສົນທະນາທາງໂທລະສັບກັບບັນດາຜູ້ນຳ ເອີຣົບຢ່າງເຊັ່ນ: ອັງກິດ, ຝຣັ່ງ ແລະ ເຢຍລະມັນ. ໃນບົດໂອ້ລົມສົນທະນາ ທ່ານ ໄບເດັນບອກກັບຜູ້ນຳເຫຼົ່ານັ້ນວ່າ: ສະຫະລັດອາເມລີກາຈະກັບຄືນມາ, ຈະກັບມາຫຼີ້ນກັບກັບເອີຣົບ ອີກຄັ້ງ.
ນາຍົກລັດຖະມົນຕີ ອັງກິດ Boris Johnson ສະແດງຄວາມຍິນດີກັບ ໂຈໄບເດັນ ແລະ ກ່າວວ່າ: ຂ້າພະເຈົ້າມີຄວາມຄອງຄອຍທີ່ຈະໄດ້ເພີ່ມທະວີການພົວພັນລະຫວ່າງສອງປະເທດພວກເຮົາ ໃນຫຼາຍຂົງເຂດທີ່ເປັນບູລິມະສິດ.
ທ່ານປະທານາທິບໍດີ ຝຣັ່ງ Emmanuel Macron ກໍເປີດເຜີຍວ່າ ຕົນເອງໄດ້ລົມໂທລະສັບກັບທ່ານ ໄບເດັນ ແລະ ສະແດງຄວາມຍີນດີກັບທ່ານ.
ນາຍົກລັດຖະມົນຕີ ເຢຍລະມັນທ່ານນາງ Angela Merkel ໃນວັນທີ 10 ພະຈິກນີ້ ໄດ້ສະແດງຄວາມຍິນດີກັບ ໄບເດັນ ແລະ ຮອງປະທານາທິບໍດີຍິງ ຄາມາລາ ແຮຣີດ ແລະ ສະແດງຄວາມມຸ່ງຫວັງຈະໄດ້ຮ່ວມມືກັນຢ່າງແໜ້ນແຟ້ນ ແລະ ມີຄວາມເຊື່ອໝັ້ນກັນໃນອະນາຄົດ.
ເຖິງຢ່າງໃດກໍຕາມ ເຖິງຂະນະນີ້ ເຖິງແມ່ນບໍ່ທັນປະກາດຢ່າງເປັນທາງການກໍຕາມ ແຕກໍຖືວ່າ ທ່ານໄບເດັນເປັນວ່າທີ່ ປະທານາທິບໍດີຄົນທີ 46 ຂອງສະຫະລັດອາເມລິການ ເຖິງແມ່ນວ່າ ຂະບວນການຮ້ອງຟ້ອງການເລືອກຕັ້ງຂອງທຣຳຈະກຳລັງດຳເນີນໄປກໍຕາມ.
