ຮຸນເຊັນ ປະກາດກັກຕົວ ພາຍຫຼັງພົບລັດຖະມົນຕີ ຮົງກາຣີຕິດເຊື້ອໂຄວິດ-19 ກ່ອນເດີນທາງມາໄທ

ສຳນັກຂ່າວ ເອພີ ລາຍງານວ່າ ຮຸນເຊັນ ນາຍົກລັດຖະມົນຕີ ກຳປູເຈຍ ປະກາດກັກຕົວເປັນເວລາ 14 ວັນ ຫຼັງເຂົາໄດ້ພົບກັບ ທ່ານ ປີເຕີຊີຍາໂທ ລັດຖະມົນຕີຕ່າງປະເທດ ແລະ ການຄ້າ ຮົງກາຣີ ທີ່ເດີນທາງຢ້ຽມຢາມກຳປູເຈຍ ກ່ອນທີ່ຈະເດີນທາງໄປໄທ ໃນວັນທີ 3 ພະຈິກທີ່ພົບວ່າ ຕິດເຊື້ອໂຄວິດ-19.

ໂດຍກະຊວງການຕ່າງປະເທດກຳປູເຈຍ ຖະແຫຼງວ່າ ທ່ານ ຊິຍາໂທ ໄດ້ກວດພົບເຊື້ອໄວຣັສໂຄໂຣນາ ກ່ອນເດີນທາງອອກຈາກຮົງກາຣີ ເມື່ອວັນທີ 2 ພະຈິກ ເພື່ອເດີນທາງໄປກຳປູເຈຍ ແຕ່ຜົນອອກມາເປັນລົບ ກ່ອນທີ່ຈະກວດພົບເປັນບວກ ຂະນະທີ່ເດີນທາງເຖິງປະເທດໄທ ໂດຍລັດຖະບານກຳປູເຈຍ ແນະນຳໃຫ້ຜູ້ທີ່ມີການສຳຜັດໃກ້ສິດກັບທ່ານລັດຖະມົນຕີຂອງ ຮົງກາຣີ ໄປກວດຫາເຊື້ອໂຄວີດ-19 ແລະ ກັກຕົວເອງຕາມມາດຕະການປະຕິບັດຂອງກະຊວງສາທາລະນະສຸກທີ່ແນະນຳເອົາໄວ້.