ເມືອງທ່າແຕງ ປະຕິບັດນະໂຍບາຍໃຫ້ຜູ້ມີຄຸນງາມຄວາມດີໃນພາລະກິດປະຕິວັດ ຫຼາຍກ່ວາ 1 ຕື້ກີບ
ຜູ້ເສຍສະຫຼະຊີວິດ ແລະ ຄຸນງາມຄວາມດີໃນພາລະກິດປະຕິວັດ ຈຳນວນ 65 ທ່ານຢູ່ເມືອງທ່າແຕງ ແຂວງເຊກອງ ໄດ້ຮັບເງິນອຸດໜູນຫລາຍກວ່າ 1 ຕື້ກີບ ຈາກລັດຖະບານ, ເຊິ່ງຕາງໜ້າມອບໂດຍ ທ່ານ ລົດແກ້ວ ເພັງພູນສະຫັວດ ຮອງເລຂາພັກເມືອງດັ່ງກ່າວ.
ຫົວໜ້າຫ້ອງການແຮງງານ ແລະ ສະຫັວດດີການ-ສັງຄົມເມືອງໃຫ້ຮູ້ວ່າ: ການປະຕິບັດນະໂຍບາຍດັ່ງກ່າວແມ່ນປະຕິບັດຕາມຂໍ້ຕົກລົງຂອງກະຊວງແຮງງານ ແລະ ສະຫັວດດີການ-ສັງຄົມເລກທີ 1743/ຮສສ ແລະ ດໍາລັດວ່າດ້ວຍການປະຕິບັດນະໂຍບາຍຕໍ່ຜູ້ທີ່ມີຜົນງານ ແລະ ຄຸນງາມຄວາມດີໃນພາລະກິດຮັບໃຊ້ການປະຕິວັດຊາດຊາດ ປະຊາທິປະໄຕສະບັບເລກທີ 272 ຂອງລັດຖະບານໂດຍຖືກຕ້ອງສອດຄ່ອງຕາມເປົ້າໝາຍ.
ໃນໂອກາດນີ້, ທ່ານ ຮອງເລຂາພັກເມືອງ ໄດ້ມີຄຳເຫັນກ່າວຍ້ອງຍໍຊົມເຊີຍຕໍ່ ຜູ້ມີຜົນງານຄວາມດີ, ມີນ້ຳໃຈເສຍສະຫຼະເລືອດເນື້ອ ເພື່ອປະເທດຊາດ ແລະ ເນັ້ນໃຫ້ສືບຕໍ່ ເອົາໃຈໃສ່ວຽກງານການເມືອງແນວຄິດ, ຢຶດໝັ້ນຕໍ່ອຸດົມການຂອງພັກ, ລະບຽບກົດໝາຍຂອງລັດ ແລະ ເສີມຂະຫຍາຍທາດແທ້ມູນເຊື່ອອັນດີງາມດັ່ງກ່າວໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃຫ້ຈະເລີນຮຸ່ງເຮືອງ.
