ການເກັບກູ້ຜົນຜະລິດລະດູຝົນ ຂອງເມືອງໄຊສະຖານຈະສໍາເລັດໃນທ້າຍເດືອນທັນວານີ້

ຫ້ອງການກະສິກໍາ ແລະ ປ່າໄມ້ ເມືອງໄຊສະຖານ ແຂວງໄຊຍະບູລີ ໃຫ້ຮູວ່າ: ການເກັບກູ້ຜົນຜະລິດລະດູຝົນໃນເມືອງຂອງຕົນມາຮອດປັດຈຸບັນສຳເລັດແລ້ວປະມານ 30% ໃນເນື້ອທີ່ເກັບກ່ຽວທັງໝົດ 145 ເຮັກຕາ, ສະເພາະເນື້ອທີ່ເຂົ້າໄຮ່ມີຫລາຍກວ່າ 2.790 ເຮັກຕາ ໄດ້ສຳເລັດການເກັບກ່ຽວແລ້ວ 15%, ພືດຜັກຕ່າງໆການເກັບກ່ຽວສໍາເລັດແລ້ວ 90% ໃນເນື້ອທີ່ທັງໝົດ 42,87, ໝາກແຕງ, ໝາກງາ, ສາລີແຂງສໍາເລັດແລ້ວ 75% ໃນເນື້ອທີ່ 100 ກວ່າເຮັກຕາ, ໝາກເດືອຍ ສໍາເລັດ 65% ໃນເນື້ອທີ່ 591,25 ເຮັກຕາ. ແລະ ເຜືອກມັນອື່ນໆກໍສາມາດເກັບກູ້ໄດ້ຮັບຜົນຜະລິດດີ.

ສ່ວນການກະກຽມການປູກພືດລະດູແລ້ງຈະເລັ່ງໃສ່ການເຮັດນາແຊງຢູ່ 3 ຈຸດໃຫຍ່ຄຶ: ບ້ານມີໄຊ-ບ້ານປາກລອງ, ຈຸດບ້ານສະຖານ-ບ້ານສີສາຍທອງ ແລະ ຈຸດບ້ານສາມັກຄີໄຊ-ພູຕຸ່ຍ.