ໄປວັງວຽງຢ່າລືມໄປທ່ຽວຖ້ຳຈັງ, ຖ້ຳປູຄຳ, ຖ້ຳຊ້າງ ແລະ ຖ້ຳລົມ

ເມືອງວັງວຽງ, ແຂວງ ວຽງຈັນ, ເປັນເມືອງໜຶ່ງທີ່ມີນັກ ທ່ອງທ່ຽວທັງພາຍໃນ ແລະ ຕ່າງ ປະເທດໄປທ່ຽວຢ່າງຫລວງ ຫລາຍຕະຫລອດປີ, ເຊິ່ງເປັນ ເມືອງໜຶ່ງທີ່ມີແຫລ່ງທ່ອງທ່ຽວ ດ້ານທຳມະຊາດທີ່ງົດງາມ ເຊັ່ນ: ຖ້ຳຈັງ, ຖ້ຳປູຄຳ, ຖ້ຳລົມ, ຖ້າຊ້າງ ແລະ ສຳລັບຖ້ຳຈັງ ເປັນສະຖານທີ່ທ່ອງທ່ຽວໄດ້ຮັບ ຄວາມນິຍົມຫລາຍ, ຕັ້ງຢູ່ໃກ້ເດີ່ນ ຍົນເກົ່າພຽງ 500 ແມັດ. ເປັນ ຖ້ຳດຽວທີ່ມີໄຟຟ້າໃຕ້ເຍືອງທາງ ຢູ່ດ້ານໃນ. ປະຊາຊົນເຂດນັ້ນມີ ຄວາມເຊື່ອວ່າຖ້ຳນີ້ມີຄວາມສັກ ສິດ, ຖ້າຜູ້ໃດກະທຳໃນສິ່ງທີ່ບໍ່ດີ ຢູ່ໃນຖ້ຳແມ່ນຈະເກີດອາການຈັງ (ຕົນຕົວເໜັງບໍ່ໄດ້) ຈຶ່ງເປັນທີ່ມາ ຂອງຊື່ຖ້ຳແຫ່ງນີ້.

+ ທ່ອງທ່ຽວລາວ ແລະ ແຂວງເຫງະອານຕົກລົງຮ່ວມພັດທະນາການທ່ອງທ່ຽວ

+ ຕາດຊາຍແຫລ່ງທ່ອງທ່ຽວທໍາມະຊາດທີ່ສວຍງາມ

ສ່ວນຖ້ຳປູຄຳ ແມ່ນຕັ້ງຢູ່ ເຂດບ້ານນາທອງ ເມືອງວັງ ວຽງ, ຫ່າງຈາກຕົວເມືອງວັງ ວຽງປະມານ 3 ກວ່າກິໂລແມັດ, ເສັ້ນທາງເຂົ້າໄປຫາຖ້ຳດັ່ງກ່າວ ແມ່ນມີຄວາມສະດວກ. ປາກ ຖ້ຳມີຄວາມສູງຈາກໜ້າດິນປະ ມານ 100 ແມັດ, ທາງເຂົ້າຖ້ຳ ຈະມີຂະໜາດນ້ອຍ, ແຕ່ ເມື່ອເຂົ້າ ໄປດ້ານໃນແລ້ວຈະເຫັນວ່າມີ ລັກສະນະເປັນຫ້ອງໂຖງກວ້າງ ຂວາງ, ມີພະປາງນອນ 1 ອົງ. ຢູ່ຕີນຜາດ້ານລຸ່ມຈະມີຫ້ວຍນ້ຳ ໃສເຢັນໄຫລອອກຈາກຮູຜາດ່ັງ ກ່າວ ເຊິ່ງນັກທ່ອງທ່ຽວນິຍົມມາ ຫລິ້ນນ້ຳຢູ່ບ່ອນນີ້ພ້ອມຂີ່ເຊື່ອກ ຫ້ອຍໂຫນຢ່າງມ່ວນຊື່ນ. ມີຄຳ ຊ່າລືກັນວ່າມີ ປູຄຳຜົວ- ເມຍ ຄູ່ ໜຶ່ງອາໄສຢູ່ ໃນຖ້ຳ ແລະ ຖ້າໃຜ ໂຊກດີກໍຈະພົບເຫັນປູຄຳຄູ່ນີ້, ອັນ ເປັນທີ່ມາ ຂອງຊື່ຖ້ຳແຫ່ງນີ້.

ຈາກນັ້ນກໍໄປທ່ຽວຖ້ຳ ຊ້າງ. ເຊິ່ງຕັ້ງຢູ່ບ້ານນາດາວ ຫ່າງຈາກຕົວເມືອງວັງວຽງໄປ ທາງທິດເໜືອປະມານ 14 ກິໂລ ແມັດ, ໃນຖ້ຳນີ້ທ່ານຈະພົບກັບ ຜາຫີນທີ່ມີຮ່ອງຮອຍຂອງຫອຍ ທີ່ກາຍເປັນຫີນ ແລະ ຈະພົບ ຄວາມງາມຂອງຫີນຍ້ອຍຮູບ ຮ່າງແຕກຕ່າງກັນ. ໃນຖ້ຳມີ ພະທາດ ທີ່ສ້າງຂຶ້ນໃນປີ ພສ 2511, ມີພະພຸດທະຮູບ ແລະ ຍັງ ມີຫີນທຳມະຊາດທີ່ມີຮູບຮ່າງ        ຄ້າຍຄືຊ້າງຕັ້ງຢູ່ບໍລິເວນດ້ານ ຂວາຂອງຖ້ຳຈິ່ງ ເປັນທີ່ມາຂອງ ຊື່ຖ້ຳຊ້າງນັ້ນເອງ.
ສ່ວນຖ້ຳລົມເປັນອີກສະ ຖານທີ່ທ່ອງທ່ຽວໜຶ່ງທີ່ມີຊື່ ສຽງຂອງເມືອງວັງວຽງ, ຫ່າງ ຈາກຕົວອອກໄປບໍ່ໄກປະມານ 4 ກິໂລແມັດ, ຖ້ຳລົມນີ້ ມີຄວາມ ງົດງາມ, ເມື່ອຍ່າງເຂົ້າໄປຈະ ຮູ້ສຶກວ່າມີລົມພັດເຢັນໄປທົ່ວ ຖ້ຳ. ຈຶ່ງເປັນທີ່ມາຂອງຊື່ຖ້ຳດັ່ງ ກ່າວ. ຖ້ຳລົມເປັນບ່ອນທີ່ເໝາະ ແກ່ການພັກຜ່ອນຢ່ອນໃຈເຊິ່ງຜູ້ໃດໄດ້ມີໂອກາດໄປທ່ຽວເມືອງວັງວຽງກໍຢາລືມໄປ ທ່ຽວບັນ ດາຖ້ຳທີ່ໄດ້ກ່າວມາ ແລະ ຈະ ເຮັດໃຫ້ທ່ານຮູ້ສຶກເຖິງ ຄວາມຕື່ນ ເຕັ້ນມ່ວນຊືນແນ່ນອນ.