ທ່ານນາຍົກລັດຖະມົນຕີທອງລຸນ ສີສຸລິດ ລົງຊຸກຍູ້ ແລະ ຊ່ວຍເຫຼືອຜູ້ປະສົບໄພນໍ້າຖ້ວມຢູ່ເມືອງເຊໂປນ

ໃນວັນທີ 23 ຕຸລານີ້ ທ່ານ ທອງລຸນ ສີສຸລິດ, ນາຍົກລັດຖະມົນຕີ ແຫ່ງ ສປປ ລາວ ໄດ້ລົງພື້ນທີ່ ເມືອງເຊໂປນ ແຂວງສະຫວັນນະເຂດ ເພື່ອຊ່ວຍເຫຼືອປະຊາຊົນ ແລະ ໃຫ້ທິດຊີ້ນໍາເພື່ອແກ້ໄຂສະຖານະການ ແລະ ຟື້ນຟູ ຊິວິດການເປັນຢູ່ຂອງປະຊາຊົນ.

ຈາກສະພາບໄພນໍ້າຖ້ວມທີ່ເກີດຂຶ້ນໃນລະຫ່ວາງຕົ້ນເດືອນ ຕຸລາມານີ້, ອັນເຮັດໃຫ້ບາງແຂວງພາກກາງ ແລະ ພາກໃຕ້ຂອງລາວໄດ້ຮັບຜົນກະທົບຫນັກຫນ່ວງເຮືອນຊານ,ໄຮ່ນາຮົ້ວສວນ, ຜົນລະປູກ ແລະ ພຶ້ນຖານໂຄງລ່າງຖະຫນົນຫົນທາງ, ລະບົບຊົນລະປະທານໄດ້ຮັບຜົນກະທົບໜັກຫນັກຫນ່ວງທີ່ສຸດ.

ເຊິ່ງພາຍຫຼັງເກີດເຫດການດັ່ງກ່າວ ຫຼາຍພາກສ່ວນຕ່າງກໍ່ໄດ້ຮີບຮ້ອນລະດົມທຶນຮອນ ແລະ ເຄື່ອງຊ່ວຍເຫຼືອ ຕ່າງໆເປັນຕົ້ນເຂົ້າສານ, ອາຫານແຫ້ງ, ນໍ້າດື່ມ ແລະ ເຕື່ອງໃຊ້ຈຳເປັນອື່ນໆເພື່ອນໍາໄປຊ່ວຍເຫລືອບັນເທົາທຸກໃຫ້ແກ່ຜູ້ປະສົບໄພດັ່ງກ່າວ.