ປີນີ້ເຈົ້າໜ້າທີ່ຈູດທຳລາຍຢາເສບຕິດຫລາຍກວ່າ 659 ກິໂລກຣາມ
ໃນວັນທີ 10 ຕຸລານີ້, ກອງບັນຊາການປ້ອງກັນຄວາມສະຫງົບ ນະຄອນຫລວງວຽງຈັນ ໄດ້ຈັດພິທີສະເຫລີມສະຫລອງວັນຊາດຕ້ານຢາເສບຕິດຄົບຮອບ 19 ປີ (12/10/2001-12-10-2020) ແລະ ຈູດທຳລາຍຢາເສບຕິດ ຂຶ້ນຢູ່ບ້ານໂຊກນ້ອຍ ເມືອງໄຊເສດຖາ ນະຄອນຫລວງວຽງຈັນ, ເຊິ່ງການທຳລາຍດັ່ງກ່າວປະກອບມີ ເຮໂລອິນ 2.741 ກິໂລກຣາມ, ຢາບ້າ 152 ກິໂລກຣາມ, ຢາໄອສ໌ 16 ກິໂລກຣາມ, ໂຄເຄນ 3 ກິໂລ, ຝິ່ນ 19 ກຣາມ, ນໍ້າຢາຝິ່ນ 539.4 ກຣາມ, ກັນຊາແຫ້ງ 484,40 ກຣາມ, ຢາເມັດສີຂາວ 8 ກຣາມ, ແປ້ງຝຸ່ນຂາວ 1.633 ກິໂລກຣາມ, ແປ້ງຝຸ່ນແດງ 173,3 ກຣາມ, ສີປະສົມອາຫານ 37 ກຣາມແລະ ເຄມີ 2 ແກ້ວ.
ໃນ 1 ປີຜ່ານມາສາມາດມ້າງຄະດີຢາເສບຕິດໄດ້ 951 ຄັ້ງ, ກັກຕົວຜູ່ກະທຳຜິດໄດ້ 1.291 ຄົນ, ຍິງ 147 ຄົນ, ຕ່າງປະເທດ 24 ຄົນແລະດຳເນີນສຳເລັດ 632 ເລື່ອງ, ຍັງສືບຕໍ່ ດຳເນີນ319 ເລື່ອງພ້ອມທັງຢຶດຂອງກາງຄະດີປະເພດຕ່າງໆດັ່ງນີ້:
+ຢາເສບຕິດ ປະເພດຢາບ້າ 2.662.492 ເມັດ, ເຮໂລອິນ 3 ແທ່ງ, 1.992 ກິໂລກຣາມ, ຢາໄອສ໌ 846 ກິໂລກຣາມ ກັບ 644 ກຣາມ, ຢາອີ ຈຳນວນ 10ເມັດ.
+ວັດຖຸຕ່າງໆ:ລົດໃຫຍ່8ຄັນ, ລົດຈັກ 38 ຄັນ, ປືນສັ້ນ 2 ກະບອກ, ໂທລະສັບ 40 ໜ່ວຍ.
