ຮຽນຮູ້ການສ້າງ “Teamwork” ຜ່ານເກມກິລາ
ໃນໂລກຂອງການເຮັດວຽກ ເຮົາເກືອບບໍ່ສາມາດຈະເຮັດວຽກໃຫ້ສຳເລັດໄດ້ດ້ວຍຄົນດຽວ ທຸກຢ່າງລ້ວນເກີດຂຶ້ນຈາກການປະສານງານ, ການເຈລະຈາ ແລະ ການລະດົມສະໝອງຮ່ວມກັນທັງໝົດ ເຊິ່ງສິ່ງເຫລົ່ານີ້ເອີ້ນວ່າ: “Teamwork”.
ຖ້າສັງເກດໃນໄລຍະຜ່ານມາ ເຮົາອາດຈະໄດ້ຍິນເລື່ອງການສ້າງຫ້ອງການໃນຮູບແບບ Open Space ຫລື ການເຮັດໃຫ້ຫ້ອງການມີພື້ນທີ່ໃຫ້ຄົນມາພົບກັນຫລາຍຂຶ້ນ. ສິ່ງຕ່າງໆເຫລົ່ານີ້ລ້ວນແລ້ວແຕ່ເປັນການສົ່ງເສີມໃຫ້ຄົນເຮັດວຽກເຊື່ອມຕໍ່ກັນຫລາຍຂຶ້ນ, ເກີດການປະຕິສຳພັນກັນຫລາຍຂຶ້ນ ແລະ ເມື່ອເກີດທີມເວີກທີ່ດີ ຈະເອື້ອອຳນວຍໃຫ້ເກີດການໂຍນໄອເດຍຫລາຍຂຶ້ນ, ມີຄວາມຄິດສ້າງສັນຫລາຍຂຶ້ນ ເຮັດໃຫ້ຜູ້ຄົນສື່ສານກັນຫລາຍຂຶ້ນ.
ແຕ່ນັ້ນເປັນພຽງສ່ວນໜຶ່ງເທົ່ານັ້ນ ເພາະການມີທີມເວີກທີ່ດີສາມາດຊ່ວຍເພີ່ມ ແລະ ສ້າງຫຍັງອີກຫລາຍຢ່າງໃຫ້ແກ່ການເຮັດວຽກ ໂດຍເຮົາສາມາດແບ່ງຂໍ້ດີຂອງການສ້າງທີມເວີກທີ່ດີ 3 ຢ່າງດັ່ງຕໍ່ໄປນີ້:
- ຊ່ວຍໃຫ້ຄົນເຮັດວຽກ (ເຈົ້າ) ເຕີບໃຫຍ່
ການເຮັດວຽກເປັນທີມ ເຮັດໃຫ້ເຮົາສາມາດຮຽນຮູ້ຈາກຂໍ້ຜິດພາດຂອງຄົນອື່ນ. ໃນຂະນະດຽວກັນ ເຮົາຈະໄດ້ຮັບ Feedback ທີ່ເປັນທັງຈຸດແຂງ ແລະ ຈຸດອ່ອນຂອງເຮົາຈາກຄົນອື່ນໆໃນທີມເຊັ່ນກັນ ເຮັດໃຫ້ເຮົາສາມາດເອົາໄປພັດທະນາ ແລະ ປັບປຸງຕົນເອງໃຫ້ດີຂຶ້ນໄດ້. ຂະນະດຽວກັນ ການເຮັດວຽກເປັນທີມຈະເຮັດໃຫ້ເຮົາເຫັນມຸມມອງ ຫລື ພົບກັບແນວຄິດ ມຸມມອງການເຮັດວຽກໃໝ່ໆທີ່ໜ້າສົນໃຈຈາກຄົນໃນທີມໄດ້ເຊັ່ນກັນ.
- ເຮັດໃຫ້ເກີດນະວັດຕະກຳ
ຈາກປະສົບການ, ມຸມມອງ, ຄວາມຄິດເຫັນ ແລະ ໄອເດຍທີ່ແຕກຕ່າງກັນຂອງແຕ່ລະຄົນໃນທີມ ເມື່ອຖືກເອົາມາປະສົມ ມາລວມເຂົ້າກັນ ຈະເຮັດໃຫ້ເກີດ New Solution ເກີດຫົນທາງໃໝ່ໆ ໃນການແກ້ໄຂບັນຫາ, ເກີດນະວັດຕະກຳ ເຊິ່ງເປັນສິ່ງທີ່ຈຳເປັນສຳລັບບໍລິສັດໃນຍຸກນີ້ ເພາະໃນຍຸກນີ້ ເຮົາບໍ່ໄດ້ແຂ່ງຂັນກັນຢູ່ທີ່ລາຄາ, ຄຸນນະພາບ ຫລື ເລື່ອງຂອງການຊະນະໃຈລູກຄ້າພຽງເທົ່ານັ້ນ, ແຕ່ເຮົາກຳລັງຢູ່ໃນຍຸກທີ່ເຮັດທຸລະກິດຕ້ອງແຂ່ງຂັນກັນບ່ອນທີ່ມີການພັດທະນາ Innovation ຢ່າງຕໍ່ເນື່ອງ.
- ປະສິດທິພາບການເຮັດວຽກເພີ່ມຂຶ້ນ
ທີມເວີກທີ່ດີ ສາມາດສົ່ງຜົນໂດຍລວມກັບອົງການໃນຫລາຍແງ່ມຸມ ນັບແຕ່ການສ້າງຄວາມເພິ່ງພໍໃຈໃຫ້ລູກຄ້າເພີ່ມຂຶ້ນ Output ໃນການເຮັດວຽກທີ່ສູງຂຶ້ນ, ເກີດການຮ່ວມມືກັນຫລາຍຂຶ້ນ ເລື່ອງນີ້ເຮົາຈະສາມາດເຫັນ ແລະ ຮູ້ສຶກໄດ້ທັນທີ, ເມື່ອເຮົາມີທີມທີ່ເປັນທີມເວີກທີ່ດີ ແລະ ເຮົາຈະເຫັນຜົນລັບໄດ້ທັນທີເຊັ່ນກັນ ຖ້າທີມບໍ່ດີ.
ການຮຽນຮູ້ເລື່ອງທີມເວີກນັບແຕ່ເດັກ
ຖ້າເບິ່ງກັນແລ້ວ ໃນເມື່ອທີມເວີກເປັນສິ່ງສຳຄັນຫລາຍຂະໜາດນີ້ ການປູກຝັງໃຫ້ເດັກໄດ້ຮຽນຮູ້ເລື່ອງ “ທີມເວີກ” ຈຶ່ງເປັນສິ່ງຈຳເປັນ ເພາະຫລາຍຢ່າງທີ່ຢູ່ໃນລະບົບການເຮັດວຽກນັ້ນ ມັກຈະຖືກອອກແບບໃຫ້ເຮົາເຮັດຫຍັງຕ່າງໆ ໃນຖານະຜູ້ຫລິ້ນແບບ Team Player” ທີ່ເປັນສ່ວນປະກອບສຳຄັນຂອງຜົນສຳເລັດ.
ເດັກນ້ອຍສາມາດເຂົ້າໃຈຄຳວ່າ: “ທີມເວີກ” ໄດ້ດີຂຶ້ນຈາກການຫລິ້ນ “ກິລາ” ທີ່ເປັນທີມ. ການຫລິ້ນກິລາເປັນທີມນອກຈາກຈະສາມາດພັດທະນາທັກສະເລື່ອງຂອງຮ່າງກາຍ ແລະ ຈິດໃຈ, ແຕ່ໃນອີກມຸມໜຶ່ງ ສິ່ງທີ່ຮຽນຮູ້ຈາກການຫລິ້ນກິລາເປັນທີມ ເດັກນ້ອຍຈະໄດ້ຮັບຜົນທີ່ສາມາດນຳໄປຕໍ່ຍອດໃນການເຮັດວຽກໃນອະນາຄົດໄດ້ດີ ເຊິ່ງຖ້າເຮົາເອົາມາວິເຄາະເຖິງຂະບວນການທີ່ເກີດຂຶ້ນຈາກການຮຽນຮູ້ໃນສະໜາມແຂ່ງຂັນ ເຮົາຈະສາມາດຖອດບົດຮຽນໄດ້ 4 ຂໍ້ ດັ່ງຕໍ່ໄປນີ້:
- Togetherness: ພ້ອມຈະກ້າວໄປນຳກັນກັບທີມສະເໝີ ບໍ່ວ່າເຮົາຈະເສຍ ຫລື ຊະນະ.
- Sharing: ເກີດການແບ່ງປັນວິທີ, ແຊຣຄວາມຮູ້ເຊິ່ງກັນ ແລະ ກັນລະຫວ່າງຄົນໃນທີມ, ສ້າງເປົ້າໝາຍຮ່ວມກັນ ແລະ ຝຶກຝົນເພື່ອໄປສູ່ເປົ້າໝາຍນຳກັນ.
- Energy to helping each other: ໄດ້ຮຽນຮູ້ທີ່ຈະຊ່ວຍເຫລືອກັນ ແລະ ກັນ, ມີນ້ຳໃຈນັກກິລາ.
- Respect of yourself and others: ເຄົາລົບຕົນເອງ ແລະ ຜູ້ອື່ນ ໄດ້ຮູ້ຈັກຕົນເອງຫລາຍຂຶ້ນ. ຂະນະດຽວກັນ ກໍໄດ້ຮຽນຮູ້ຈາກຄົນອື່ນໄປພ້ອມໆກັນ.
