ແກັສຄາບອນມອນອອກໄຊຢູ່ບໍ່ຖ່ານຫີນຂອງຈີນ ຂ້າຊີວິດຜູ້ຄົນໄປແລ້ວຢ່າງໜ້ອຍ 16 ຄົນ
ໃນວັນທີ 27 ກັນຍາ, ຕາມເວລາທ້ອງຖິ່ນຂອງຈີນ ມີລາຍງານເກີດອຸປະຕິເຫດໄຟໄໝ້ສາຍພານຂົນສົ່ງຢູ່ບໍ່ຖ່ານຫີນ Songzao ໃນເມືອງສົງຊິ່ງຂອງຈີນ ສົ່ງຜົນໃຫ້ລະດັບແກັສຄາບອນມອນອອກໄຊພາຍໃນບໍ່ເພີ່ມສູງຂຶ້ນຈາກລະດັບປົກກະຕິເກີນເກນມາດຕະຖານດ້ານຄວາມປອດໄພຢູ່ແລ້ວ ເປັນເຫດໃຫ້ຜູ້ທີ່ຕິດຄ້າງຢູ່ພາຍໃນ 17 ຄົນ ເສຍຊີວິດແລ້ວຢ່າງໜ້ອຍ 16 ຄົນ ທີມຊ່ວຍເຫລືອ ແລະ ຜູ້ລອດຊີວິດ 1 ຄົນ ທັງໝົດຢູ່ໃນອາການວິກິດ.
ໂດຍບໍ່ແຮ່ດັ່ງກ່າວເປັນຂອງ Chongqing Energy ເຊິ່ງຜູ້ຈັດການບໍ່ແຮ່ແຫ່ງນີ້ເຄີຍໄດ້ຮັບໂທດໃຫ້ຈ່າຍຄ່າປັບໄໝ ແລະ ຕັກເຕືອນກ່ຽວກັບການລະເມີດ ແລະ ບໍ່ປະຕິບັດຕາມມາດຕະຖານຄວາມປອດໄພຂງການເຮັດວຽກພາຍໃນບໍ່ແຮ່.
ອຸປະຕິເຫດທີ່ເກີດຂຶ້ນຢູ່ບໍ່ແຮ່ອາດລຸກລາມກາຍເປັນໂສດນາດຕະກຳເກີດຂຶ້ນເລື້ອຍໆໃນສັງຄົມຈີນ ໂດຍໃນປີ 2017 ມີອຸປະຕິເຫດທີ່ເກີດຂຶ້ນພາຍໃນບໍ່ແຮ່ 219 ຄະດີ, ມີຜູ້ເສຍຊີວິດໄປ 375 ກວ່າຄົນ. ຂະນະທີ່ປີ 2018 ສະຖິຕິການເກີດອຸປະຕິເຫດເພີ່ມຂຶ້ນເປັນ 333 ຄະດີ.
