ການລະບາດຂອງພະຍາດໂຄວິດ-19 ຢູ່ມຽນມາ ນັບມື້ຮຸນແຮງຂຶ້ນ

ຈາກການລາຍງານຂອງສື່ມວນຊົນຕ່າງປະເທດ ວັນທີ 21 ກັນຍານີ້ ໃຫ້ຮູ້ວ່າ: ທາງກະຊວງສາທາລະນະສຸກ ແລະ ກີລາຂອງມຽນມາລາຍງານເຊົ້າຂອງວັນທີ 21 ກັນຍາວ່າ: ມີການກວດພົບຜູ້ຕິດເຊື້ອໄວຣັດໂຄວິດ-19 ເພີ່ມຂຶ້ນອີກ 264 ຄົນ, ສົ່ງຜົນໃຫ້ຂະນະນີ້ ມີຍອດລວມຜູ້ຕິດເຊື້ອພາຍໃນປະເທດທັງໝົດເພີ່ມຂຶ້ນເປັນ 5.805 ຄົນ ແລະ ມີຜູ້ເສຍຊີວິດ ເພີ່ມອີກ 2 ຄົນ ເຮັດໃຫ້ຜູ້ປ່ວຍເສຍຊີວິດຢູ່ພາຍໃນປະເທດທັງໝົດ  94 ຄົນ.

ມື້ວານນີ້ທາງລັດຖະບານມຽນມາໄດ້ອອກຄຳສັ່ງໃຫ້ປະຊາຊົນຢູ່ແຕ່ໃນເຮືອນ ແລະ ໃຫ້ເຮັດວຽກຢູ່ໃນເຮືອນເປັນສ່ວຍໃຫ່ຍ ໂດຍຄຳສັ່ງດັ່ງກ່າວບັງຄັບໃຊ້ກັບປະຊາຊົນທຸກເຂດໃນເມືອງຢາງກຸງ ຊຶ່ງເປັນພື້ນທີ່ທີ່ພົບຜູ້ຕິດເຊື້ອລາຍໃໝ່ພຸ່ງສູງຂຶ້ນຫຼາຍທີ່ສຸດໃນມຽນມາ.