ຝົນຕົກໜັກດິນເຈື່ອນຢູ່ ເນປານ ມີຜູ້ເສຍຊີວິດ ແລະ ບາດເຈັບ 30 ຄົນ.
ແຫຼ່ງຂ່າວ, ວັນທີ 13 ກັນຍາຈາກສຳນັກຂ່າວ baoquocte ໃຫ້ຮູ້ວ່າ: ຝົນຕົກໜັກແກ່ຍາວເປັນເວລາຫຼາຍວັນ ເຮັດໃຫ້ດິນເຈື່ອນທັບຖົມໝູ່ບ້ານ 2 ແຫ່ງໃນເນປານ ມີຜູ້ເສຍຊີວິດ ແລະ ບາດເຈັບ 30 ຄົນ.
ຖະແຫຼງຂ່າວຕໍ່ສື່ມວນຊົນ, ທ່ານ Murari Wasti ເຈົ້າໜ້າທີ່ໃນລັດຖະບານ ເນປານ ໃຫ້ຮູ້ວ່າ: ເກີດເຫດດິນເຈື່ອນຂະໜາດໃຫ່ຍຢູ່ໃນໝູ່ບ້ານ Barahbise ຢູ່ໃກ້ກັບເຂດຊາຍແດນ ທິເບດຂອງຈີນ ຫ່າງຈາກນະຄອນ Kathmandu 100 ກິໂລແມດ ໄປທາງທິດຕາເວັນອອກ, ມີຜູ້ເສຍຊີວິດ 10 ຄົນ ແລະ 21 ຄົນຫາຍສາບສູນ.
ເຫດການດິນເຈື່ອນຄັ້ງທີສອງ ເກີດຂຶ້ນຢູ່ທີ່ໝູ່ບ້ານ Baglung ໄປທາງທິດຕາເວັນຕົກສ່ຽງເໜືອ ມີຜູ້ເສຍຊີວິດ 2 ຄົນ. ເວລານີ້ ກອງກຳລັງກູ້ໄພກຳລັງເລັ່ງມືເພື່ອຊອກເອົາຜູ້ຫາຍສາບສູນຢູ່.
ນັບແຕ່ຢ່າງເຂົ້າລະດູຝົນແຕ່ເດືອນມີຖຸນາຫາເດືອນກັນຍາປີນີ້, ເນປານ ມີຜູ້ເສຍຊີວິດຢ່າງໜ້ອຍ 314 ຄົນ ຈາກດີນເຈື່ອນທັບຖົມ ແລະ ນໍ້າຊູໄຫຼ, 111 ຄົນຫາຍສາບສູນ ແລະ ອີກ 160 ຄົນ ບາດເຈັບ.
ຂ່າວ: ລູກເມືອງພວນ.
