ອິນເດຍແຊງໜ້າ ບຣາຊີລ ກາຍເປັນອັນດັບທີສອງຂອງໂລກແລ້ວ

ແຫຼ່ງຂ່າວຈາກ zingnews, ວັນທີ 7 ກັນຍານີ້ ໃຫ້ຮູ້ວ່າ: ອິນເດຍໄດ້ແຊງໜ້າ ບຣາຊີລ ຂຶ້ນມາເປັນອັນດັບສອງຂອງໂລກທີ່ມີຜູ້ຕິດເຊື້ອໂຄວິດ-19 ຫລາຍທີ່ສຸດ, ປັດຈຸບັນມີ 4,2 ລ້ານກໍລະນີແລ້ວ.

ເຖິງແມ່ນຈຳນວນຜູ້ຕິດເຊື້ອຈະເພີ່ມຂຶ້ນກໍຕາມ ແຕ່ກະຊວງສາທາລະນະສຸກຂອງ ອິນເດຍລະບຸວ່າ ອັດຕາການເສຍຊີວິດແມ່ນຫຼຸດລົງ 1,72%. ປັດຈຸບັນອິນເດຍມີຜູ້ເສຍຊີວິດ 71.687 ຄົນ.

ພາຍໃນວັນທີ 6 ກັນຍາເທົ່ານັ້ນ, ອິນເດຍມີຜູ້ຕິດເຊື້ອເພີ່ມໃໝ່ 90.802 ກໍລະນີ ແລະ ເສຍຊີວິດ 1.016 ຄົນ. ໃນນັ້ນ, ລັດ Maharashtra ຍັງເປັນລັດທີ່ໄດ້ຮັບຜົນກະທົບໜັກກວ່າໝູ່, ກວມເອົາ 25% ຂອງຜູ້ຕິດເຊື້ອທັງໝົດໃນທົ່ວປະເທດ.

ແປຂ່າວ: ລູກເມືອງພວນ.