ເສດຖະກິດ ຫວຽດນາມ ຈະຟື້ນຟູໂດຍໄວ
ທ່ານ Kenneth Atkinson ຫວັງວ່າ ສັນຍາການຄ້າເສລີລະຫວ່າງ ຫວຽດນາມ ແລະ ສະຫະພາບເອີຣົບ (EVFTA) ຫາກໍ່ມີຜົນສັກສິດຫວ່າງມໍ່ໆມານີ້ ຈະດຶງດູດນັກລົງທຶນຕ່າງປະເທດ ແລະ ບາງບໍລິສັດ ເອີຣົບ ຈະດຳເນີນການຜະລິດຢູ່ ຫວຽດນາມ.
ບົດຂຽນໄດ້ໃຫ້ຂໍ້ສັງເກດວ່າ ຫວຽດນາມ ຈະບັນລຸຜົນສຳເລັດໃນວຽກງານປ້ອງກັນ, ສະກັດກັ້ນໂລກລະບາດ Covid – 19 ເຖິງວ່າໄດ້ປະສົບກັບຄວາມຫຍຸ້ງຍາກຫຼາຍຢ່າງກໍຕາມ. ບົດຂຽນກໍໄດ້ຄັດສະເໜີຄຳເວົ້າຂອງ ທ່ານ Kenneth Atkinson, ຜູ້ຮ່ວມກໍ່ຕັ້ງບໍລິສັດການບັນເອຊີສາກົນ Grant Thornton ແລະ ຮອງປະທານສະພາທີ່ປຶກສາຂະແໜງການທ່ອງທ່ຽວ ຢູ່ຫວຽດນາມ ໂດຍໃຫ້ຮູ້ວ່າ: ໃນການແຜ່ລະບາດຂອງໂລກລະບາດ Covid – 19 ໃນຄັ້ງໃໝ່ນີ້ ໄດ້ເຮັດໃຫ້ການເປີດປະຕູດ່ານຊາຍແດນມີຄວາມລະມັດລະວັງກວ່າ ແລະ ນີ້ກໍແມ່ນສິ່ງທ້າທາຍໃຫຍ່ທີ່ສຸດສຳລັບບັນດາບໍລິສັດທີ່ຢາກຟື້ນຕົວການເຄື່ອນໄຫວທ່ອງທ່ຽວ ແລະ ການໂຮງແຮມ.
ເຖິງຢ່າງໃດກໍຕາມ, ຂະແໜງການທ່ອງທ່ຽວພາຍໃນປະເທດ ອາດຈະນຳມາເຊິ່ງຄວາມຫວັງໃຫ້ແກ່ຂົງເຂດການທ່ອງທ່ຽວ ແລະ ການໂຮງແຮມ.ບົດຂຽນທີ່ໄດ້ເອົາລົງໃນເວັບໄຊ Asiatimes ໄດ້ໃຫ້ຂໍ້ສັງເກດວ່າ ເຖິງວ່າໂລກລະບາດCovid – 19 ພວມມີການຜັນແປຢ່າງສັບສົນກໍຕາມ ແຕ່ໃນໄລຍະຍາວ, ບັນດານັກຊ່ຽວຊານ ຍັງເຊື່ອໝັ້ນວ່າ ພື້ນຖານເສດຖະກິດຂອງ ຫວຽດນາມ ຈະຟື້ນຕົວໂດຍໄວ
ທ່ານ Kenneth Atkinson ຫວັງວ່າ ສັນຍາການຄ້າເສລີລະຫວ່າງ ຫວຽດນາມ ແລະ ສະຫະພາບເອີຣົບ (EVFTA) ຫາກໍ່ມີຜົນສັກສິດຫວ່າງມໍ່ໆມານີ້ ຈະດຶງດູດນັກລົງທຶນຕ່າງປະເທດ ແລະ ບາງບໍລິສັດ ເອີຣົບ ຈະດຳເນີນການຜະລິດຢູ່ ຫວຽດນາມ.
ໃນຂະນະນັ້ນ, ກະຊວງສາທາລະນະສຸກຫວຽດນາມກໍ່ຢັ້ງຢືນວ່າສະພາບການໂລກລະບາດ Covid – 19 ຢູ່ດ່ານັ້ງ ແລະ ກ໋ວາງນາມພວມໄດ້ຮັບການຄວບຄຸມໂດຍພື້ນຖານ. ເລື່ອງບັນດາກຳມະການກໍ່ສ້າງກັບຄືນການເຮັດວຽກຢູ່ບັນດາໂຄງການກໍ່ສ້າງຢູ່ດ່ານັ້ງ ແມ່ນສັນຍານທີ່ສະແດງໃຫ້ເຫັນວ່າ ນະຄອນພວມຄ່ອຍໆກັບຄືນສູ່ສະພາບການເປັນປົກກະຕິ.
