ທ່ານ ໄບເດັນ ລະດົມເງິນເພື່ອການຫາສຽງຊີງປະທານາທິບໍດີສະຫະລັດໄດ້ 365 ລ້ານໂດລາ, ຫຼາຍເປັນປະຫວັດການ

ຂ່າວຈາກ zingnews, ວັນທີ 3 ກັນຍານີ້ໃຫ້ຮູ້ວ່າ: ຈຳນວນເງິນທີ່ລະດົມໄດ້ເພື່ອການຫາສຽງຊີງປະທານາທິບໍດີຂອງສະຫະລັດຂອງທ່ານ ໄບເດັນ ແລະ ພັກເສລີປະຊາທິປັດຫາມາໄດ້ໃນເດືອນສິງຫານີ້ ແມ່ນຫຼາຍເປັນປະຫວັດການ 364,5 ລ້ານໂດລາ.

ຄະນະກຳມະການຂົນຂວາຍການເລືອກຕັ້ງປະທານາທິບໍດີຈາກພັກເສລີປະຊາທິປັດໃຫ້ຮູ້ວ່າ: ຈຳນວນເງິນຫຼາຍກ່ວາ 50% ທີ່ໄດ້ຮັບໃນບັ້ນຮົບຫາຫາງສຽງນັ້ນແມ່ນຢູ່ໃນເດືອນສິງຫາ.

ທ່ານ ໄບເດັນກ່າວວ່າ: “ແມ່ນແຕ່ຢູ່ໃນສະພາບວິກິດການໃນທົ່ວໂລກ, ແຕ່ມີຫຼາຍຄອບຄົວຂອງຊາວຜູ້ອອກແຮງງານ ໄດ້ສະໝັກໃຈປະກອບສ່ວນເພື່ອສະໜັບສະໜູນການເລືອກຕັ້ງ, ຜູ້ລະເລັກລະນ້ອຍກໍກາຍເປັນຫຼາຍ, ເກືອບ 365 ລ້ານໂດລາ”.

ໃນຂະນະດຽວກັນທາງຝ່າຍພັກຣີພັບຣີກັນຂອງປະທານາທິບໍດີຂອງ ທຣຳບໍ່ທັນປະກາດຕົວເລກທີ່ພວກເຂົາໄດ້ຮັບການສະໜັບສະໜູນ.

ແປຂ່າວ: ລູກເມືອງພວນ.