ຈີນທຳລາຍທຸລຽນເຖື່ອນເກືອບ 50 ໂຕນ ເນັ້ນຮັບໝາກໄມ້ຈາກໄທ ແລະ ມາເລເຊຍເທົ່ານັ້ນ
ວັນທີ 3 ກັນຍາ, ພາສີອາກອນກວ່າງຊີສຸຍໂຂ ໄດ້ທຳລາຍທຸລຽນລັກລອບນຳເຂົ້າ 49,58 ໂຕນ ທີ່ມີມູນຄ່າປະມານ 1,2 ລ້ານຢວນ ຢູ່ເມືອງໜານໜິງ ເຂດປົກຄອງຕົນເອງກວາງຊີຈ້ວງ ທາງຕອນໃຕ້ຂອງຈີນ ໂດຍການທຳລາຍມີຂຶ້ນໃນວັນທີ 31 ສິງຫາຜ່ານມາ.
ເຈົ້າໜ້າທີ່ຍຶດທຸລຽນເຫລົ່ານີ້ໄດ້ລະຫວ່າງທີ່ສຳນັກງານຕໍ່ຕ້ານການລັກລອບໜີພາສີສັງກັດພາສີສຸຍໂຂເຂົ້າທຳລາຍການລັກລອບຂົນທຸລຽນເມື່ອຫລາຍວັນກ່ອນ. ນອກຈາກນີ້ ເຈົ້າໜ້າທີ່ຍັງຍຶດລົດຂົນສົ່ງສິນຄ້າ 9 ຄັນ ແລະ ຄວບຄຸມຜູ້ຕ້ອງຫາ 5 ຄົນ.
ເມື່ອບໍ່ດົນມານີ້ ມີພຽງທຸລຽນຈາກໄທ ແລະ ມາເລເຊຍເທົ່ານັ້ນທີ່ໄດ້ຮັບອະນຸຍາດໃຫ້ນຳເຂົ້າສູ່ຕະຫລາດຈີນໄດ້ ຕາມຂໍ້ບັງຄັບທີ່ກ່ຽວຂ້ອງ.
ທ່ານ ຫລົວຫົວເສິງ ເຈົ້າໜ້າທີ່ສຳນັກງານຕໍ່ຕ້ານການລັກລອບໜີພາສາ ສັງກັດພາສີສຸຍໂຂ ກ່າວວ່າ: “ລາຄາທຸລຽນຢູ່ຈີນ ແລະ ຕ່າງປະເທດມີຄວາມແຕກຕ່າງກັນ, ການລັກລອບນຳເຂົ້າທຸລຽນອາດສ້າງກຳໄລງາມ ເຊິ່ງເປັນເຫດຜົນວ່າເປັນຫຍັງຈຶ່ງມີການລັກລອບນຳເຂົ້າທຸລຽນເພີ່ມຂຶ້ນ, ພວກເຮົາຈະເພີ່ມຄວາມເຂັ້ມງວດໃນການຕໍ່ສູ້ກັບອາດຊະຍາກຳລັກສະນະນີ້ ເພື່ອປົກປ້ອງສຸຂະພາບຂອງປະຊາຊົນ”.
