Elon Musk ຢືນຢັນ ຣັດເຊຍມີແຜນຈະຮີດໄຖບໍລິສັດ Tesla
Tesla ຖືເປັນໜຶ່ງໃນບໍລິສັດເຕັກໂນໂລຊີອັນດັບຕົ້ນໆຂອງໂລກ ທີ່ໄດ້ຮັບການສະໜັບສະໜູນຈາກຫລາຍໆອົງກອນໃນອາເມລິກາ ໂດຍ Tesla ມີການສ້າງເຕັກໂນໂລຊີ ແລະ ນະວັດຕະກຳຕ່າງໆຂຶ້ນມາຈຳນວນຫລາຍ ໂດຍໜຶ່ງໃນສິ່ງທີ່ເປັນໜ້າເປັນຕາຂອງບໍລິສັດຄື ລົດຍົນບໍ່ມີຄົນຂັບ.
ແລະ ເມື່ອເປັນບໍລິສັດທີ່ມີມູນຄ່າສູງ ເຮັດໃຫ້ແຮກເກີຈ້ອງຈະຮຽກຄ່າໄຖ ໜຶ່ງໃນນັ້ນຄືແຮກເກີຈາກຣັດເຊຍ, ແຕ່ຖືກ FBI ຂັດຂວາງກ່ອນ ໂດຍ Egor Igorevich Kriuchkov ຜູ້ຊາຍສັນຊາດຣັດເຊຍ ອາຍຸ 27 ປີ ໄດ້ເຂົ້າໄປໃນບໍລິສັດຂອງ Tesla ແລະ ຊັກຊວນໃຫ້ພະນັກງານພາຍໃນເອົາມັລແວຣໄປປ່ອຍໃນເຄືອຂ່າຍຜ່ານ USB ຫລື ໃຊ້ອີເມລທີ່ມີໄຟລ໌ແນບທີ່ເປັນອັນຕະລາຍ.
Kriuchkov ຖືກຈັບກຸມເມື່ອວັນທີ 22 ສິງຫາ 2020 ໃນລອສແອງເຈລິສ ຫລັງຈາກທີ່ລາວໄດ້ຮັບໂທລະສັບຈາກເຈົ້າໜ້າທີ່ FBI ແລະ ພະຍາຍາມອອກຈາກອາເມລິກາ ຫລັງຈາກໄດ້ຮັບການຕິດຕໍ່ຈາກ FBI ແລ້ວ Kriuchkov ໄດ້ຂັບລົດຈາກເມືອງ Reno ໄປ Los Angeles ໂດຍຂໍໃຫ້ຄົນຮູ້ຈັກຊື້ປີ້ຍົນ ແລະ ພະຍາຍາມຈະລົບໜີອອກນອກປະເທດ.
Kriuchkov ຄົນທີ່ຮ່ວມມືຈະໄດ້ຮັບຄ່າຈ້າງ 1.000.000 ໂດລາ ຫລັງຈາກທີ່ມັລແວຣຖືກຕິດຕັ້ງໃນເຄືອຂ່າຍຂອງບໍລິສັດ ແຕ່ແຜນດັ່ງກ່າວພັງກ່ອນ.
