ຄວາມເກັ່ງຂອງການນຳໃນເວລານີ້ແມ່ນຢູ່ທີ່ເຮັດສຳເລັດເປົ້າໝາຍສອງຢ່າງໄປຄວບຄູ່ກັນ

ນາຍົກລັດຖະມົນຕີຂອງຫວຽດນາມ ຫງວຽນຊວັນຟຸກ ຮຽກຮ້ອງໃຫ້ບັນດາທ້ອງຖິ່ນຕ່າງໆ ນຳໃຊ້ຫຼາຍວິທີການຢ່າງມີຫົວຄິດປະດິດສ້າງເພື່ອຮັບປະກັນໃຫ້ແກ່ການພັດທະນາເສດຖະກິດ, ຊີວິດການເປັນຢູ່ຂອງສັງຄົມພ້ອມໆກັບການຕ້ານພະຍາດໂຄວິດ-19 ໃຫ້ດີ.

ໃນກອງປະຊຸມສາມັນຂອງລັດຖະບານເພື່ອຕ້ານ ແລະ ຄວບຄຸມພະຍາດໂຄວິດ-19 ໃນວັນທີ 27 ສິງຫາ, ນາຍົກລັດຖະມົນຕີ ຫງວຽນຊວັນຟຸກຮຽກຮ້ອງໃຫ້ການນຳແຕ່ລະທ້ອງຖິ່ນສືບຕໍ່ເຮັດໜ້າທີ່ປ້ອງກັນຢ່າງຈິງຈັງ ແລະ ພ້ອມດຽວກັນນັ້ນກໍຕ້ອງດຳເນີນການຜະລິດ ແລະ ເຮັດທຸລະກິດໄປພ້ອມໆກັນ.

ຫົວໜ້າລັດຖະບານຢືນຢັນວ່າ: ຜ່ານມາທົ່ວທັງປະເທດໄດ້ເຮັດໜ້ທີ່ທັງສອງຢ່າງໄປພ້ອມໆກັນໄດ້ດີແລ້ວ, ຕໍ່ໄປນີ້ ບັນດາທ້ອງຖິ່ນຕ່າງໆ ຕ້ອງນຳໃຊ້ຫຼາຍຮູບການຢ່າງມີຫົວຄິດປະດິດສ້າງເພື່ອຮັບປະກັນໃຫ້ເສດຖະກິດມີການພັດທະນາ, ຮັບປະກັນດ້ານຊີວິດການເປັນຢູ່ທາງສັງຄົມ ແລະ ປ້ອງກັນພະຍາດໄປພ້ອມໆກັນ.

ທ່ານກ່າວວ່າ: “ທ້ອງຖິ່ນຕ່າງໆເຮັດຫຍັງໄດ້ໃຫ້ແກ່ພາກທຸລະກິດ, ໃຫ້ແກ່ພື້ນຖານການຜະລິດ, ໃຫ້ປະຊາຊົນຜູ້ທຸກຍາກໄດ້ກໍໃຫ້ເຮັດ. ຄວາມເກັ່ງຂອງຜູ້ນຳທ້ອງຖິ່ນໃນເວລານີ້ ກໍຄືປະຕິບັດທັງສອງເປົ້າໝາຍໄປຄວບຄູ່ກັນ”(ສອງເປົ້າຫມາຍ ພັດທະນາເສດຖະກິດ ແລະ ປ້ອງກັນໂຄວິດ ).

ານຍົກລັດຖະມົນຕີຮຽກຮ້ອງ: “ປະຊາຊົນທຸກຄົນຕ້ອງໃສ່ຜ້າອັດປາກ-ດັງໃນສະຖານທີ່ສາທາລະນະ, ບໍ່ເຕົ້າໂຮມກັນເປັນຈຳນວນຫຼວງຫຼາຍ ຖ້າບໍ່ມີຄວາມຈຳເປັນ. ກະຊວງສາທາລະນະສຸກ ຮີບຮ້ອນແນະນຳວິທີການປ້ອງກັນຄວາມປອດໄພໃນໂຮງໝໍ, ໃນໂຮງຮຽນ, ພາຫະນະການຄົມມະນາຄົມສາທາລະນະ ດ້ວຍເນື້ອໃນທີ່ເຂົ້າໃຈງ່າຍ ແລະ ສາມາດປະຕິບັດໄດ້”.

ຂ່າວ: ລູກເມືອງພວນ(ແຫຼ່ງຂ່າວ zingnews)