ເອົາໂລງສົບປະໄວ້ແຄມທາງເພື່ອເຕືອນສະຕິປ້ອງກັນໂຄວິດ-19
August 21, 2020 - 9:32 AM
ແຫຼ່ງຂ່າວ Zing ໃຫ້ຮູ້ວັນທີ 19 ສິງຫານີ້, ລັດຖະບານ ຈາກາຕາ ອີນໂດເນເຊຍ ໄດ້ເຮັດການທົດລອງບາງສິ່ງບາງຢ່າງເພື່ອສ້າງສະຕິໃຫ້ຄົນປ້ອງກັນໂຄວິດ-19 ໂດຍເອົາໂລງສົບໄປວາງໄວ້ແຄມທາງ ຫຼື ສາທາລະນະຊົນ ເພື່ອເຕືອນສະຕິຂອງປະຊາຊົນ.
ໃນໂລງສົບມີຕົວອັກສອນສີແດງຂຽນດ້ວຍຕົວອັກສອນຂອງ ອີນໂດເນເຊຍວ່າ “ຜູ້ເຄາະຮ້າຍຈາກ ໂຄວິດ-19” ແລ້ວນຳເອົາໄປວາງໄວ້ຢູ່ທີ່ຄຸ້ມ Djaharuddin ໃນນະຄອນຫຼວງ ຈາກາຕາ ຊຶ່ງເປັນສູນກາງການລະບາດຂອງພະຍາດໂຄວິດ-19 ໃນອີນໂດເນເຊຍ.
ທ່ານ Djaharuddin ຫົວໜ້າຄຸ້ມ Mampang Prapatan ນະຄອນ Jakarta ກ່າວວ່າ: “ການກະທຳແບບນັ້ນເບິ່ງຄືວ່າເກີນໄປ ແຕ່ພວກເຮົາຄິດວ່າມັນຈະເປັນຍົກລະດັບຄວາມຮັບຮູ້ຂອງປະຊາຊົນຂຶ້ນຕື່ມ”.
ຂ່າວ: ລູກເມືອງພວນ.
