ສະຫະລັດຢາກຊື້ວັກຊີນຂອງຈີນ ແຕ່ອາດຈະເປັນໄປບໍ່ໄດ້
ແຫຼ່ງຂ່າວ nld, ວັນທີ 19 ສິງຫານີ້ ໃຫ້ຮູ້ວ່າ: ບໍລິສັດການຢາຂອງຈີນ Sinopharm ຢືນຢັນວ່າວັກຊີນຕ້ານໂຄວີດ-19 ຂອງຕົນຈະຖືກຈ່າວຂາຍຢູ່ໃນທ້ອງຕະຫຼາດກ່ອນເດືອນທັນວາປີນີ້, ໃນລາຄາປະມານ 144 USD ຕໍ່ 2 ໂດສ.
Daily Mail ໂດຍອ້າງອີງຈາກຄຳເຫັນຂອງປະທານ Sinopharm Liu Jingzhen ວ່າ: ໃນເມື່ອການທົດລອງຂັ້ນສຸດທ້າຍສຳເລັດ, ຜູ້ຜະລິດອາດຈະຜະລິດ 220 ລ້ານໂດສ ຕໍ່ປີ.
ການທົດລອງຊີ້ໃຫ້ເຫັນວ່າ: ແຕ່ລະຄົນຕ້ອງການສັກ 2 ໂດສ ຫຼື 3 ໂດສ ຈຶ່ງຈະສາມາດຄຸ້ມກັນໄດ້ 100%. ພົນລະເມືອງຂອງຈີນໃນປັດຈຸບັນ ມີ 1,4 ຕື້ຄົນ, ອັນນັ້ນເທົ່າກັບວ່າ ບັນດາປະເທດທີ່ຮັ່ງມີເຊັ່ນ: ອັງກິດ, ສະຫະລັດ ຍາກທີ່ຈະຊື້ວັກຊີນຂອງ Sinopharm ໄດ້.
ຜ່ານການທົດລອງໄລຍະ 1 ແລະ 2 ໃຫ້ເຫັນວ່າ, ວັກຊີນມີຄວາມປອດໄພ ແລະ ມີປະສິດທິພາບສູງ.
ໄລຍະທີ່ຜ່ານມາ, ຈີນໄດ້ແກ້ງແຍ່ງແຂ່ງຂັນກັບບໍລິສັດຂອງສະຫະລັດ, ອັງກິດ ແລະ ເຢຍລະມັນ ໃນການພັດທະນາວັກຊີນຕ້ານໂຄວິດ-19. ຢ່າງໜ້ອຍມີວັກຊີນ 8 ຊະນິດທີ່ພັດທະນາໃນຈີນທີ່ກຳລັງທຳການທົດລອງຢູ່ໃນຂະນະນີ້. ຢາທຸກຕົວແມ່ນກຳລັງຢູ່ໃນຂັ້ນທົດລອງເບື້ອງຕົ້ນ.
ຂ່າວ: ລູກເມືອງພວນ.
