ຈັດທຣຳ ຍັງຄອງມື 1 ຂອງໂລກ ຂະນະທີ່ ຣອນນີ້ ແຊ້ມໂລກ 2020 ຂຶ້ນມາຢູ່ທີ 2
ຫລັງຈາກທີ່ສຳເລັດການແຂ່ງຂັນສະນຸກເກີ ຊິງແຊ້ມໂລກ ປະຈຳປີ 2020 ທີ່ເມືອງເຊັບຟິວ ປະເທດອັງກິດ ໃນລະຫວ່າງວັນທີ 31 ກໍລະກົດ ຫາວັນທີ 16 ສິງຫານີ້ ໂດຍແຊ້ມຕົກເປັນຂອງ ຣອນນີ້ ໂອຊຸນລີແວນ ແຊ້ມໂລກ 5 ສະໄໝຈາກເຈົ້າພາບ ມື 6 ຂອງໂລກ ຮອບຊິງເອົາຊະນະ ຄີເຣນ ວິວສັນ ເພື່ອນຮ່ວມຊາດ ມື 8 ຂອງໂລກ ທີ່ເຂົ້າຊິງເປັນຄັ້ງທຳອິດ 18-8 ເຟຣມ, ຣອນນີ້ ຄວ້າແຊ້ມໂລກເປັນສະໄໝທີ 6 ຕໍ່ຈາກປີ 2013 ພ້ອມຮັບເງິນລາງວັນ £500,000 ປອນ ຫລື 5 ຕື້ກວ່າກີບ, ພ້ອມໄຕອັນດັບໂລກຂຶ້ນມາຢູ່ທີ 2 ຮອງຈາກ ຈັດທຣຳ ເພື່ອນຮ່ວມຊາດ ທີ່ຕົກຮອບ 8 ຄົນ ໂດຍຕາມຫລັງ ຈັດທຣຳ 540,000 ກວ່າຄະແນນ.
ສ່ວນຮອງແຊ້ມໂລກຄົນຫລ້າສຸດ ຄີເຣນ ວິວສັນ ອີກໜຶ່ງນັກສະນຸກເກີຈາກອັງກິດ ຂຶ້ນມາສອງອັນດັບມາຢູ່ທີ 6 ຂອງໂລກ, ຂະນະທີ່ ມື 3 ຂອງໂລກແມ່ນ ນຽວ ໂຣເບີດສັນ ຈາກອົດສະຕຣາລີ, ທີ 4 ມາກ ເຊວບີ້ ຈາກອັງກິດ, ທີ 5 ມາກ ອາວເລນ ຈາກໄອແລນເໜືອ, ທີ 7 ຈອນ ຮິກກິ້ນ ຈາກສະກັອດແລນ, ທີ 8 ຊອນ ເມີຟີ້ ຈາກອັງກິດ, ທີ 9 ສະຕີເຟັນ ແມັກໄກວ ຈາກສະກັອດແລນ ແລະ ທີ 10 ມາກ ວິນລ້ຽມ ຈາກເວວ ຕົກມາ 7 ອັນດັບ.
