ບໍ່ນ້ອຍໜ້າ ! Brazil ອະນຸມັດໃຫ້ທົດລອງວັກຊີນຕ້ານໂຄວິດ-19 ກັບຄົນແລ້ວ

ແຫຼ່ງຂ່າວຈາກ baoquangninhວັນທີ 19 ສິງຫານີ້ ລາຍງານວ່າ: ອົງການຄຸ້ມຄອງການແພດຂອງ Brazil ໄດ້ອະນຸຍາດໃຫ້ບໍລິສັດ ທີ່ຂຶ້ນກັບ Johnson & Johnsonສາມາດທົດລອງວັກຊີນຕ້ານໂຄວິດ-19ກັບຄົນໄດ້ແລ້ວ.

ອົງການຄຸ້ມຄອງການແພດ Brazil ໄດ້ອະນຸຍາດໃຫ້ບໍລິສັດການຢາ Janssen  ທີ່ຂຶ້ນກັບສະຫະບໍລິສັດJohnson & Johnson ສາມາດທົດລອງວັກຊີນຕ້ານໂຄວິດ-19 ໃນຂັ້ນ ຄລີນິກ ຫຼື ຂັ້ນເບື້ອງຕົ້ນ ກັບຄົນໄດ້.

ນີ້ເປັນວັກຊີນຕ້ານໂຄວິດ-19 ອັນດັບທີ 4  ທີ່ໄດ້ຮັບອະນຸຍາດໃຫ້ທົດລອງກັບຄົນຢູ່ໃນປະເທດ Brazil, ເຊິ່ງກ່ອນໜ້ານັ້ນ, Brazil ກໍໄດ້ອະນຸຍາດໃຫ້ທົດລອງວັກຊີນໄລຍະ 3 ກັບຄົນ ໂດຍການພັດທະນາຂອງບໍລິສັດAstraZeneca ສົມທົບກັບມະຫາວິທະຍາໄລ Oxford, Sinopharmຂອງຈີນ  Pfizer ແລະBioNTech.

ຂະນະນີ້, Brazil ຢູ່ອັນດັບ 2 ຂອງໂລກ ທີ່ມີຜູ້ຕິດເຊື້ອຫຼາຍທີ່ສຸດ, ຫຼັງສະຫະລັດ. ນີ້ກໍແມ່ນໜຶ່ງໃນສາເຫດເຮັດໃຫ້ບັນດາບໍລິສັດພັດທະນາວັກຊີນຕ້ອງຫາທຸກວິທີເພື່ອຄົ້ນຄວ້າວັກຊີນໃນໄລຍະຕົ້ນຢ່າງແຂ່ງຂັນ.

ຂ່າວ: ລູກເມືອງພວນ.