ລັດເຊຍປະກາດໃຫ້ຮູ້ໄລຍະເວລາຈະສັກວັກຊີນທົ່ວໄປ

ແຫຼ່ງຂ່າວຈາກສຳນັກຂ່າວ CAND ຂອງຫວຽດນາມ ເມື່ອວັນທີ 17 ສິງຫານີ້ ໃຫ້ຮູ້ວ່າ: ການທີ່ຈະສັກວັກຊີນທົ່ວໄປໃຫ້ແກ່ສັງຄົມນັ້ນ, ຈະໄດ້ເລີ່ມຂຶ້ນປະມານໜຶ່ງເດືອນຂ້າງໜ້າ, ພາຍຫຼັງມີການຜະລິດປະລິມານວັກຊີນພຽງພໍກແລ້ວ – ຫົວໜ້າສະຖາບັນ  Gâmleya, Alexander Ginzburg ເປີດເຜີຍ.

ທ່ານກ່າວອີກວ່າ: ວັກຊີນຕ້ານໂຄວິດ-19 Sputnik V ຂອງລັດເຊຍ ຈະຕ້ອງໄດ້ຜ່ານກວດສອບອີກຄັ້ງ ພາຍຫຼັງຈົດທະບຽນແລ້ວ, ເຊິ່ງຈະໃຊ້ເວລາແຕ່ 7-10 ວັນອີກ ແລະ ຈະມີຫຼາຍພັນຄົນເຂົ້າຮ່ວມການຄົ້ນຄວ້າໃນຄັ້ງນີ້. ທ່ານຫົວໜ້າສະຖາບັນ Gamaleya ໃຫ້ຮູ້ວ່າ: ການທີ່ຈະສັກວັກຊີນທົ່ວໄປນັ້ນ ອາດຈະຊັກຊ້າໄປແດ່ເລັກນ້ອຍ ເພາະວັກຊີນສ່ວນຫຼາຍແມ່ນຈະໄດ້ຜະລິດເພື່ອການຄົ້ນຄວ້າກ່ອນ(ກວດສອບຕື່ມອີກ)ພາຍຫຼັງມີການຈົດທະບຽນ. ຫຼັງຈາກນັ້ນ, ສ່ວນທີ່ຍັງເຫຼືອຈຶ່ງຈະນຳໃຊ້ສັກທົ່ວໄປ, ຈະຊັກຊ້າໄປອີກປະມານ 2 ຫຼື 3 ອາທິດຕື່ມອີກ ຫຼື ອາດຈະເປັນ 1 ເດືອນ.

ສ່ວນບັນດານັກຊ່ຽວຊານໃຫ້ຄຳເຫັນວ່າ, ການກວດສອບຄືນພາຍຫຼັງຈົດທະບຽນແລ້ວ ອາດຈະແກ່ຍາວເຖິງ 6 ເດືອນ.  ທ່ານ ປະທານາທິບໍດີ ປູຕີນໃຫ້ຮູ້ວ່າ:  ວັກຊີນ Sputnik V ໄດ້ຜ່ານການພິສູດແລ້ວ, ຊຶ່ງຜູ້ອາສາທຳການທົດລອງລ້ວນແຕ່ສະ ແດງໃຫ້ເຫັນຄວາມສາມາດຕ້ານທານໄດ້ດີ. ທ່ານຍັງໄດ້ເປີດເຜີຍວ່າ: ລູກສາວຂອງເຂົາກໍໄດ້ຮັບການສັກວັກຊີນ ແລະ ເຫັນວ່າມີຄວາມປົກກະຕິ ພາຍຫຼັງສັກສອງຄັ້ງ.

ຂາວ: ລູກເມືອງພວນ.