ໄທນຳສະເໜີ ຕົ້ມຍຳ ໃຫ້ເປັນມໍລະດົກທາງດ້ານວັດທະນະທຳ ຂອງສະຫະປະຊາຊາດ (UNESCO)
August 13, 2020 - 1:41 PM
ແຫຼ່ງຂ່າວຂາກ tuoitre ຂອງຫວຽດນາມ, ວັນທີ 13 ສິງຫານີ້ ໃຫ້ຮູ້ວ່າ: ໄທໄດ້ນຳສະເໜີຕໍ່ອົງການການສຶກສາ, ວິທະຍາສາດ ແລະ ວັດທະນະທຳ ຂອງສະຫະປະຊາຊາດ (UNESCO) ຮັບຮອງເອົາ ຕົ້ມຍຳ ເຂົ້າເປັນມໍລະດົກໂລກທາງດ້ານວັດທະນະທຳທີ່ບໍ່ມີຕົວຕົນ ຫຼື ນາມມະທຳ.
ທ່ານ ອິດທິພົນ ຂຸນບູລົມ ລັດຖະມົນຕີກະຊວງວັດທະນະທຳຂອງໄທ ໃຫ້ຮູ້ວ່າ: ຄະນະກຳມະການ ໄດ້ໄປທົ່ວທັງປະເທດເພື່ອສອບຖາມຕົ້ນປາຍສາຍເຫດທີ່ມາຂອງຕົ້ມຍຳ, ວິທີການປຸງແຕ່ງ ແລະ ບົດບາດຂອງມັນໃນວັດທະນະທຳຂອງໄທ.
ໃນແຟມເອກະສານທີ່ຈະນຳສະເໜີຕໍ່ ສະຫະປະຊາຊາດນັ້ນ ໄດ້ໃຫ້ຮູ້ວ່າ: ຕົ້ມຍຳ ໄດ້ຮັບອິດທິພົນຈາກບັນດາປະເທດອ້ອມຂ້າງເຊັ່ນ: ລາວ, ກຳປູເຈຍ, ມາເລເຊຍ…
ອີງຕາມການສຳຫຼວດຈາກສຳນັກຂ່າວ CNN ຂັດເລືອກໃຫ້ເປັນອາຫານທີ່ແຊບທີ່ສຸດໃນໂລກ ໃນປີ 2019, ຕົ້ມຍຳ ຈັດຢູ່ອັນດັບທີ 8.
ຂ່າວ: ລູກເມືອງພວນ.
