ລາຄາສົ່ງອອກວັກຊີນຕ້ານໂຄວິດ ຂອງລັດເຊຍ, ຢ່າງໜ້ອຍທີ່ສຸດຢູ່ທີ່ 10 USD/2 ປະລິມານ(doses).

ປະທານສະພາຜູ້ບໍລິຫານບໍລິສັດ R-Pharm, ທ່ານ Alexey Repik, ໃນຂະນະທີ່ປາໄສໃນຊ່ອງໂທລະພາບ Rossya, ຊ່ອງ 24, ວັນທີ 12 ສິງຫານີ້ໃຫ້ຮູ້ວ່າ: ລາຄາສົ່ງອອກວັກຊີນຕ້ານໂຄວິດ-19 ຂອງລັດເຊຍ, ຢ່າງໜ້ອຍທີ່ສຸດກໍຢູ່ທີ່ 10 USD/2 ປະລິມານ(doses).

ທ່ານ Repik ໃຫ້ຮູ້ວ່າ: ເບື້ອງຕົ້ນວັກຊີນອາດຈະມີລາຄາແພງແດ່, ຫຼັງຈາກນັ້ນ ເມື່ອມີການຜະລິດທີ່ພຽງພໍແລ້ວ ກໍຈະຖືກລົງ.

ວັນທີ 11 ສິງຫານີ້, ປະທານາທິບໍດີ ປູຕີນ ໄດ້ປະກາດວ່າ ລັດເຊຍໄດ້ຈົດທະບຽນວັກຊີນຕ້ານໂຄວິດ-19  ເປັນປະເທດທຳອິດໃນໂລກເປັນທີ່ຮຽບຮ້ອຍແລ້ວ. ວັດຊີນທີ່ວ່ານີ້ ຖືກພັດທະນາຂຶ້ນໂດຍ ສະຖາບັນຄົ້ນຄວ້າ ໂລກລະບາດວິທະຍາ ແລະ ສະຖາບັນຈຸລະຊີບແຫ່ງຊາດGamaleya ຂອງລັດເຊຍ, ຊຶ່ງໄດ້ຮ່ວມກັບສະຖາບັນຄົ້ນຄວ້າ 48 ຂອງກະຊວງປ້ອງກັນປະເທດຂອງລັດເຊຍຄົ້ນຄວ້າຂຶ້ນມາ.

ຂ່າວ: ລູກເມືອງພວນ.