ອົສຕາລີ ຝຶກໝາດົມກິນຊອກຫາຜູ້ຕິດເຊື້ອໂຄວິດ-19
ຂ່າວຈາກສຳນັກງານຂ່າວ VOV ຂອງຫວຽດນາມໃຫ້ຮູ້ໃນວັນທີ 12 ສິງຫານີ້ວ່າ: ນັກວິທະຍາສາດຂອງ ອົສຕາລີ ດຳເນີນການຝຶກໝາດົມກິ່ນ ເພື່ອຊອກຫາຜູ້ຕິດເຊື້ອໄວຣັດ ໂຄວິດ-19.
ໝາໂຕດັ່ງກ່າວມີຊື່ເອີ້ນວ່າ: Freya ຊຶ່ງຂະນະນີ້ກຳລັງໄດ້ຮັບການຝຶກດົມກິ່ນໂຄວິດ-19 ຢູ່ໃນອັງກິດ. ຂ່າວຈາກ Getty Images ໃຫ້ຮູ້ວ່າ: ປອ Anne-Lise Chaber, ທ່ານໝໍສັດຕະວະແພດ ແລະ ຜູ້ຊ່ຽວຊານຄົ້ນຫາເຊື້ອໄວຣັດຈາກມະຫາວິທະຍາໄລ Adelaide ໃຫ້ຮູ້ວ່າ: ການຄົ້ນຄວ້າກຳລັງດຳເນີນໄປຢູ່ໃນມະຫາວິທະຍາໄລສັດຕະວະແພດແຫ່ງຊາດ Alfort ຂອງຝຼັ່ງ ນັ້ນ ໄດ້ພົບວ່າ: ເຖິງແມ່ນຜູ້ຕິດເຊື້ອຈະບໍ່ສະແດງອາການອອກມາກໍຕາມ ແຕ່ໝາກໍຈະດົມກິ່ນ ແລະ ໃຫ້ຮູ້ວ່າຜູ້ໃດຕິດເຊື້ດໂຄວິດ-19 ໄດ້. ທ່ານໃຫ້ຮູ້ຕື່ມອີກວ່າ: ມີໝາບາງໂຕສາມາດດົມກິນໄດ້ຢ່າງຊັດເຈນ 100%.
ໝາເປັນສັດປະເພດໜຶ່ງ ທີ່ມີປະສາດສຳຜັດກິ່ນໄດ້ດີທີ່ສຸດ, ໃນຕົວຈິງຜ່ານມາໝາໄດ້ຝຶກໃຫ້ດົມກິ່ນຊອກຫາພະຍາດ ມະເຮັງ ແລະ ພະຍາດ Parkinson, ຢາເສບຕິດ ແລະ ອື່ນໆຫຼາຍຢ່າງ. ນັກວິທະຍາສາດອະທິບາຍວ່າ: ໝາອາດຈະຊອກຫາຜູ້ຕິດເຊື້ອໄດ້ ໂດຍຜ່ານການດົມກິ່ນເຫື່ອຂອງຜູ້ຕິດເຊື້ອໂຄວິດ-19, ເຖິງແມ່ນວ່າຜູ້ຕິດເຊື້ອຈະບໍ່ອອກເຫື່ອກໍຕາມ ແຕ່ມັນກໍສາມາດດົມກິ່ນຜູ້ຕິດເຊື້ອໄດ້ຢ່າງແມ່ນຢຳ.
ຖ້າການຝຶກແອບຫາກມີຜົນສຳເລັດກໍຈະໄດ້ນຳໃຊ້ພວກມັນເຂົ້າກວດຫາຜູ້ຕິດເຊື້ອຢູ່ຕາມສະໜາມບິນ, ສະຖານທີ່ພັກຜ່ອນຂອງຄົນຊະລາ ແລະ ສຳນັກງານການແພດ ເພື່ອຊອກຫາຜູ້ຕິດເຊື້ອໂຄວິດ-19.
ຂ່າວ: ລູກເມືອງພວນ.
