ພາຍຫຼັງເວັ້ນວັກມາເປັນເວລາ 102 ວັນ, ນິວຊີແລນ(New Zealand) ກັບຄືນມາພົບຜູ້ຕິດເຊື້ອອີກ 4 ຄົນ.

ສຳນັກຂ່າວ Newshub (New Zealand), ເມື່ອວັນທີ 11 ສິງຫານີ້ໃຫ້ຮູ້ວ່າ: ລັດຖະມົນຕີກະຊວງສາທາລະນະສຸກຂອງ ນິວຊີແລນ, ທ່ານ Ashley Bloomfield ໄດ້ປະກາດວ່າ: ໄດ້ພົບເຫັນຜູ້ຕິດເຊື້ອໃໝ່ອີກ 4 ກໍລະນີ.

ເພື່ອປ້ອງກັນບໍ່ໃຫ້ມີການແຜ່ລະບາດ, ເມືອງ Auckland ໄດ້ເພີ່ມທະວີການແຈ້ງເຕືອນຂຶ້ນເປັນລະດັບ 3ນັບແຕ່ເວລາທ່ຽງວັນຂອງວັນທີ 12 ສິງຫານີ້ເປັນຕົ້ນໄປ ເປັນເວລາ 3 ວັນ.

ວັນທີ 11 ສິງຫາເປັນມື້ທີ 102 ນັບແຕ່ມື້ທີ່ ນິວຊີແລນມີຜູ້ຕິດເຊື້ອໂຄວິດ-19 ຄົນສຸດທ້າຍໃນຊຸມຊົນເປັນຕົ້ນມາ.

ທັງ 4 ຄົນຕິດໃໝ່ນີ້ ແມ່ນຄົນໃນຄອບຄົວດຽວກັນຢູ່ທີ່ Auckland, ຄອບຄົວດັ່ງກ່າວນີ້ ບໍ່ມີປະຫວັດຜູ້ໃດໄປຕ່າງປະເທດ ຈຶ່ງບໍ່ທັນຮູ້ວ່າພະຍາດມັນເກີດຂຶ້ນມາໄດ້ແນວໃດ.

ທ່ານ Ashley Bloomfield ໃຫ້ຮູ້ວ່າ: ຜູ້ທີ່ໃກ້ສິດ ສຳຜັດ ກັບພວກຕິດເຊື້ອໃໝ່ນີ້ ຊຶ່ງລວມມີທັງໝູ່ຄຸ່ຂອງພວກເຂົາ ລ້ວນແຕ່ໄດ້ຮັບການກວດຫາເຊື້ອໝົດແລ້ວ.

ສຳນັກຂ່າວ Nzherald  ໃຫ້ຮູ້ວ່າ: ນາຍົກລັດຖະມົນຕີ ນິວຊີແລນ Jacinda Ardern ຢືນຢັນວ່າ: ຈະປິດເມືອງ Auckland ພາຍຫຼັງພົບເຫັນຜູ້ຕິດເຊື້ອໃໝ່ 4 ຄົນໃນຊຸມຊົນ.

ຂ່າວ: ລູກເມືອງພວນ(ແຫຼ່ງຂ່ວ tuoitre)