ຄົນສູງຜິດປົກກະຕິໃນຈີນ

Zhang Juncai ມີຖິ່ນຖານຢູ່ທີ່ແຂວງ ເຊີນໄຕ ຂອງຈີນ, ໄດ້ມີຊື່ສຽງໂດ່ງດັງວ່າເປັນຄົນສູງຜິດປົກກະຕິ. ເຂົາເກີດໃນເມື່ອປີ 1966, ມີຄວາມສູງ 2,42 m ແລະ ຖືກຈັດເຂົ້າໃນບັນຊີຄົນທີ່ສູງທີ່ສຸດໃນໂລກ.

ເມື່ອຮຽນຢູ່ຊັ້ນມັດທະຍົມ Zhang Juncai ມີຄວາມສູງ ລື່ນໝູ່ເພື່ອນໃນໂຮງຮຽນ, ເມື່ອອາຍຸໄດ້ 22 ປີ ເຂົາມີຄວາມສູງ  2,12 m.

Zhang Juncai ເລົ່າວ່າ: ຍ້ອນສູງເກີນໄປ ໄດ້ເຮັດໃຫ້ການເຄື່ອນໄຫວດຳລົງຊີວິດພົບຄວາມຫຍຸ້ງຍາກ, ແມ່ນແຕ່ເຄື່ອງນຸ່ງກໍໄດ້ປ່ຽນຢູ່ຕະຫຼອດ.

ປີ 1999 Zhang Juncai ໄດ້ເຂົ້າຮ່ວມໂຄງການຊອກຫາຄູ່ຮັກ, ໃນທີ່ສຸດເຂົາກໍພົບຮັກກັບເມຍເຂົາຄົນໃນປັດຈຸບັນຊຶ່ວ່າ He Xinjing.

ເບື້ອງຕົ້ນເພື່ອນມິດສະຫາຍ ແລະ ຍາດພີ່ນ້ອງຫ້າມປາມບໍ່ໃຫ້ He ຮັກກັບຄົນທີ່ສູງເກີນ 2 ແມດ, ແຕ່ແນວໃດເຂົາກໍຍັງຕັດສິນໃຈວ່າຈະເອົາ Zhang ມາເປັນຜົວ.

ຫຼັງຈາກນັ້ນບໍ່ດົນສອງຄົນກໍໄດ້ເຂົ້າໂຮງຫໍນຳກັນ, ແຕ່ກໍມີຫຼາຍເທື່ອທີ່ມີສາຍຕາຂອງຄົນອ້ອມຂ້າງມີຄວາມດູຖູກ ອິດສາ. ແຕ່ເຖິງຢ່າງໃດກໍດີເຂົາຍັງມີຄວາມສຸກຮ່ວມກັນ. ເຖິງແມ່ນວ່າແຕ່ງງານກັນໄດ້ 21 ປີແລ້ວແຕ່ບໍ່ທັນໄດ້ພະຍານຮັກນຳກັນແມ່ນແຕ່ຄົນດຽວ.

ຂ່າວ: ລູກເມືອງພວນ