ອະດີດນາຍົກລັດຖະມົນຕີ ມາເລເຊຍ ຖືກລົງໂທດ ຈາກການສໍ້ລາດບັງຫຼວງທີ່ໃຫ່ຍທີ່ສຸດໃນໂລກ

ສຳນັກຂ່າວ Guardian ໃຫ້ຮູ້ວ່າ: ທ່ານ Najib ໄດ້ປະຕິເສດທຸກຂໍ້ກ່າວຫາ ຕໍ່ພຶດຕິກຳບໍ່ສອດຄ່ອງຂອງຕົນ ທີ່ພົວພັນກັບການຍັກຍອກເອົາເງິນກ້ອນມະຫາສານທີ່ເປັນປະຫວັດການຂອງໂລກ. ຊຶ່ງເງິນກ້ອນດັ່ງກ່າວແມ່ນເອົາມາຈາກກອງທຶນພັດທະນາປະເທດຊາດ.

ເລື່ອງຂ່າວລືກ່ຽວກັບ 1MDB ໄດ້ເຮັດໃຫ້ເວທີການເມືອງຂອງ ມາເລເຊຍ ເວລານັ້ນສັ່ນຄອນ, ພັກ Umno ຂອງນາຍົກ Najib ຖືກປັດເຂ່ຍ ພາຍຫຼັງກຳອຳນາດມາເປັນເວລາ 61 ປີ ແລະ ນຳໄປສູ່ການສືບສວນສອບສວນທີ່ກ່ຽວຂ້ອງກັບຫຼາຍປະເທດໃນໂລກ.

ທ່ານ Najib ຈຳຕ້ອງໄດ້ຕໍ່ສູ້ກັບ 5 ຄະດີ ທີ່ພົວພັນເຖິງການຍັກຍອກເງິນກ້ອນດັ່ງກ່າວ. ສານໄດ້ຕັດສິນຢ່າງເປັນທາງການໃນວັນທີ 28 ກໍລະກົດນີ້, ທີ່ພົວພັນເຖິງ 7 ຂໍ້ຫາໃນການໂອນເງິນຈຳນວນ 42 ລ້ານ ຣິງກິດ(ringgit) ຫຼື ປະມານ 9,9 ລ້ານໂດລາຈາກ SRC International ຊຶ່ງເປັນຫົວໜ່ວຍໜຶ່ງທີ່ຂຶ້ນກັບ 1MDB ເພື່ອເອົາເຂົ້າໃນບັນຊີ ຂອງທ່ານ Najib ໂດຍຜ່ານບໍລິສັດສື່ກາງຈຳນວນໜຶ່ງ.

ກະຊວງຍຸຕິທຳຂອງສະຫະລັດໃຫ້ຮູ້ວ່າ: ຈຳນວນເງິນທັງໝົດທີ່ຖອນອອກຈາກກອງທຶນ 1MDB ແມ່ນ 4,5 ຕື້ໂດລາ ແລະ ຖືກພັກພວກທີ່ພົວພັນກັບ ທ່ານ Najib 7 ຄົນຍັກຍອກເອົາ ແລະ ອີກ 700 ລ້ານໂດລາ ຖືກໂອນເຂົ້າໃນບັນຊີຂອງທ່ານ Najib ເອງ.

ຂໍ້ກ່າວຫາກ່ຽວກັບກອງກັບທຶນ 1MDB ຂອງທ່ານ Najib ແກ່ຍາວເປັນເວລາ 5 ປີ, ຈົນມາເຖິງປີ 2018 ຈຶ່ງໄດ້ຟື້ນຄະດີຄືນພາຍຫຼັງເຂົາຖືກປະລາໄຊໃນການເລືອກຕັ້ງໃຫ້ທ່ານ Mahathir Mohamad.

ຂ່າວ: ລູກເມືອງພວນ