ນັກຮົບຜິວດຳຈັບປືນບຸກປະທ້ວງ ຕຳຫລວດຂ້າຄົນຜິວດຳຢູ່ອາເມລິກາ

ກຸ່ມ​ຕິດ​ອາວຸດ Not Fucking Around Coalition ​ເຊິ່ງ​ເປັນ​ກຸ່ມ​ສິດທິ​ຄົນ​ຜິວ​ດຳ​ຢູ່​ອາ​ເມ​ລິ​ກາ​ລວມພະລັງ​ຊຸມນຸມຕາມ​ທ້ອງ​ຖະໜົນ​ຢູ່​ເມືອງ​ຫລຸຍ​ວິລ ລັດ​ເຄນ​ທັກ​ກີ ສະຫະລັດ​ອາ​ເມ​ລິ​ກາ ​ເພື່ອ​ກົດ​ດັນ​ຜົນ​ການ​ສືບສວນ​ກໍລະນີ​ທີ່​ຕຳຫລວດ​ເມືອງ​ຫລຸຍ​ວິລ ວິສາມັນ​ຄາດ​ຕະກຳ​ເຈົ້າໜ້າ​ທີ່​ແພດ​ໜ່ວຍ​ສຸກ​ເສີນ​ຍິງ​ຜິວ​ດຳ​ທີ່​ຊື່ ບຣິ​ໂອ​ນາ ​ເທ​ເລີ (Breonna Taylor) ​ໃນ​ວັນ​ທີ 13 ມີນາ 2020 ລະຫວ່າງ​ການ​ຈັບ​ກຸມ​ແຟນໜຸ່ມ​ຂອງ​ນາງ​ຢູ່​ເຮືອນ.

ກຸ່ມ Not Fucking Around Coalition ປະກອບ​ມີ​ອະດີດ​ທະຫານ​ຜິວ​ດຳ, ຫົວໜ້າ​ກຸ່ມຄື ຈອນ ​ເຈ ຟິດ​ເຈີຣັລ ຈອນ​ສັນ (John Jay Fitzgerald Johnson) ​ໃນ​ລາຍ​ງານ​ຂ່າວ​ຂອງ Newsweek ລາວ​ບອກ​ວ່າ: “ພວກ​ເຂົາ​ຄື​ກຸ່ມ​ຕິດ​ອາວຸດ​ຜິວ​ດຳ ​ເຮົາ​ບໍ່​ແມ່ນ​ຜູ້​ປະ​ທ້ວງ ​ເຮົາ​ບໍ່​ແມ່ນ​ຜູ້​ຊຸມນຸມ ​ເຮົາ​ບໍ່​ໄດ້​ມາ​ຮ້ອງ​ລຳ​ທຳ​ເພງ ​ເຮົາ​ບໍ່​ໄດ້​ມາ​ຮ້ອງ​ໂຮ່ຄຳ​ຂວັນ ​ເຮົາ​ບໍ່​ເຮັດ​​ເລື່ອງ​ແບບ​ນັ້ນ”.