ສະຫຼຸບເລື່ອງລາວທີ່ໜ້າສົນໃຈທົ່ວໂລກ ປະຈຳວັນທີ 20 ກໍລະກົດ 2020

July 20, 2020 - 2:32 PM

1.ຈຳນວນຜູ້ເສຍຊີວິດຈາກ ໂຄວິດ-19 ທະລຸ 6 ແສນຄົນໃນວັນອາທິດຜ່ານມານີ້, ໃນຂະນະທີ່ WHO ປະກາດຈຳນວນຜູ້ຕິດເຊື້ອໃໝ່ເກືອບ 2 ແສນຄົນ ພາຍໃນວັນດຽວ ແລະ ອິນເດຍກາຍເປັນປະເທດທີ 3 ທີ່ມີ ຜູ້ຕິດເຊື້ອທະລຸ 1 ລ້ານຄົນ ຮອງຈາກອາເມລິກາ ແລະ ບຣາຊິນ.
2.Rajnish Kumar ຫົວໜ້າຂອງ State Bank of India (ທະນາຄສນລັດຖະບານອິນເດຍ) ອອກມາປະກາດວ່າ ປັດຈຸບັນລັດຖະບານອາດມີການເຂັ້ມງວດມ ແລະມາດຕະການທາງການເງິນເພີ່ມຕື່ມເນື່ອງຈາກຜົນກະທົບຈາກໂຄວິດ-19. ພ້ອມເຕືອນວ່າ ຫາກລັດຖະບານບໍ່ອອກມາກຕະການຊ່ວຍເຫຼືອເພີ່ມຕື່ມ ທຸລະກິດທີ່ໄດ້ຮັບຜົນກະທົບ ໂດຍສະເພາະການບິນ, ໂຮງແຮມ ແລະການບໍລິຫານຈະອ່ອນກຳລັງແຮງລົງ ອາດເຮັດໃຫ້ລະບົບການເງິນຕົກຢູ່ໃນຄວາມສ່ຽງ. ການປະຕິຮູບຕ່າງໆໃນປັດຈຸບັນເປັນໄປເພື່ອການແກ້ໄຂບັນຫາໜີ້ສິນຂອງປະເທດໃນໄລຍະຜ່ານມາ.
3.ເຈົ້າເມືອງ portland ແຫ່ງ Oregon ໃນອາເມລິກາ ໄດ້ຮຽກຮ້ອງໃຫ້ມີການປົດໜ່ວຍງານຈາກລັດຖະບານກາງພາຍໃນເມືອງອອກ ພາຍຫຼັງມີຂ່າວວ່າມີການກະທຳທີ່ບໍ່ເໝາະສົມຕໍ່ຜູ້ປະທ້ວງພາຍໃນເມືອງ ພ້ອມທັງກັກຕົວຜູ້ປະທ້ວງແບບຜິດກົດໝາຍ ທັງຂັດຕໍ່ລັດຖະທຳມະນູນ.
4.ລັດຖະມົນຕີກະຊວງສາທາລະນະສຸກແຫ່ງບັງກະລະເດດ ໄດ້ລາຍງານອັດຕາການທົດລອງຜູ້ຕິດເຊື້ອຫຼຸດຈາກ 18.000 ຄົນໃນໄລຍະທ້າຍເດືອນມິຖຸນາ ເຫຼືອພຽງ 10.000 ຄົນຫວ່າງສອງອາທິດຜ່ານມາ. ການຫຼຸດລົງດັ່ງກ່າວນັ້ນ ເກີດຈາກການສົງໄສໃນການທົດລອງພາຍຫຼັງມີຂ່າວລືຈາກໂຮງໝໍສອງແຫ່ງ ເຮັດໃຫ້ສູນກວດເຊື້ອຖືກປິດຊົ່ວຄາວ ແລະມີຜູ້ຖືກຈັບຫຼາຍກວ່າ 12 ຄົນຍ້ອນຢືນຢັນຜົນກວດວ່າບໍ່ພົບເຊື້ອແກ່ຜູ້ເຂົ້າກວດ ໃນຂະນະທີ່ຍັງບໍ່ທັນໄດ້ຮັບການກວດຜົນແຕ່ຢ່າງໃດ.
5.Carrie Lam ຜູ້ບໍລິຫານສູງສຸດຂອງຮົງກົງ ໄດ້ອອກເຕືອນວ່າ ສະຖານະການໂຄວິດ-19 ປັດຈຸບັນມີການລະບາດໜັກ ເຊິ່ງລັດຖະບານບໍ່ໄດ້ສະແດງອອກເຖິງການຄວບຄຸມຕໍ່ເຫດການກຳລັງລະບາດ, ໂດຍ 1 ອາທິດຜ່ານມາມີຜູ້ຢືນຢັນການຕິດເຊື້ອ 108 ຄົນ, ເຊິ່ງເປັນສະຖິຕິໃໝ່ທີ່ສູງກວ່າຜ່ານມາ.