ແຟນຄັບຊ໊ອກ..! ມາກ ມາເກ໊ດ ປະສົບອຸບັດຕິເຫດກະດູກແຂນຫັກ..!

ໃນວັນທີ່ 19 ກໍລະກົດນີ້ ການແຂ່ງຂັນລົດຈັກທາງລຽບຊິງແຊ້ມໂລກ ໂມໂຕຈີພີ ສະໜາມທຳອິດ ສະແປນິດ ກຣັງປີ ທີ່ປະເທດແອັດສະປາຍ, ຟາບີໂອ ກວາຮາຣາໂຣ ນັກບິດຊາວຝຣັ່ງ ຈາກທີມປີໂຕນາສ ຍາມາຮາ ເອສອາທີ ສ້າງຜົນງານໄດ້ຢ່າງໂດດເດັ່ນບິດເຂົ້າເສັ້ນໄຊຄັນທຳອິດດ້ວຍເວລາລວມ 41 ນາທີ 23.796 ວິນາທີ ຄວ້າແຊ້ມເປັນຄັ້ງທຳອິດໄປຄອງ

ສ່ວນ ມາກ ມາເກ໊ດ ປະສົບອຸບັດຕິເຫດລະຫວ່າງການແຂ່ງຂັນລົດພິກຄວ່ຳສອງຄັ້ງ ແຕ່ຄັ້ງທີ່ສອງຮ້າຍແຮງກວ່າຈົນກະດູກຫັກບໍລິເວນແຂນຕ້ອງໄດ້ຜ່າຕັດດ່ວນທີ່ເມືອງມາເຊໂລນາ ແລະ ໜ້າຈະຕ້ອງໄດ້ພັກຍາວ, ພ້ອມດຽວກັນນັ້ນການແຂ່ງຂັນລາຍການໂມໂຕຈີພີ ສະໜາມຕໍ່ໄປຈະຈັດການແຂ່ງຂັນທີ່ສະໜາມ ເຊີກິໂຕ ເດິ ເຄເຣດ ປະເທດແອັດສະປາຍອີກຄັ້ງລະຫວ່າງວັນທີ່ 24-26 ກໍລະກົດນີ້