(IFAB) ສືບຕໍ່ປະຕິບັດກົດກະຕິກາການປ່ຽນຕົວສຳຮອງໄດ້ 5 ຄົນເຖີງລະດູການໜ້າ
July 16, 2020 - 11:29 AM
ຕາມການລາຍງານຂອງສຳນັກຂ່າວສະກາຍສະປອດສື່ດັງແຫ່ງອັງກິດໃຫ້ຮູ້ວ່າ: ຄະນະຜູ້ບໍລິຫານສະມາຄົມບານເຕະລະຫວ່າງປະເທດ (IFAB) ໄດ້ອອກກົດການແຂ່ງຂັນ ອະນຸຍາດໃຫ້ມີການປ່ຽນຕົວສຳຮອງໄດ້ 5 ຄົນຕໍ່ໜື່ງເກມການແຂ່ງຂັນຈົນຈົບລະດູການໜ້າ (2020-2021) ເພາະວ່າໃນລະດູການນີ້ລີກບານເຕະທົ່ວໂລກໄດ້ຮັບຜົນກະທົບຈາກການແຜ່ລະບາດຂອງເຊື້ອໄວຣັສໂຄວິດ-19 ຕ້ອງໄດ້ຢຸດການແຂ່ງຂັນ.
ພ້ອມດຽວກັນນັ້ນເຖີງວ່າ (IFAB) ໄດ້ອອກກົດການແຂ່ງຂັນໃຫ້ປ່ຽນຕົວສຳຮອງໄດ້ເຖີງ 5 ຄົນຕໍ່ໜື່ງເກມການແຂ່ງຂັນ, ແຕ່ກໍ່ຂື້ນຢູ່ກັບລີກບານເຕະຂອງປະເທດນັ້ນໆ ວ່າຈະຕັດສິນໃຈໃຊ້ກົດການແຂ່ງຂັນປ່ຽນຕົວ 5 ຄົນຕໍ່ໄປບໍ່ ຫຼື ຈະກັບໄປໃຊ້ກົດການແຂ່ງຂັນປົກກະຕິຄືປ່ຽນຕົວໄດ້ 3 ຄົນຕໍ່ເກມການແຂ່ງຂັນເທົ່ານັ້ນ.
