ຣຽວ ມາດຣິດ ຕ້ອງການຊະນະນັດຕໍ່ໄປເປັນແຊ້ມທັນທີ..!

ການແຂ່ງຂັນເຕະບານ ລາລີກ້າ ແອັສປາຍ ລະດູການ 2019-20 ນັດທີ 36 ໃນນັດມີ່ຜ່ານມາ, ຣຽວ ມາດຣິດ ແຊ້ມສູງສຸດ 33 ສະໄໝ ຜົນງານດີຕໍ່ເນື່ອງ ເກັບໄຊຊະນະ 9 ນັດລວດ ໄລຍະກັບມາແຂ່ງຂັນອີກຄັ້ງ ຫລ້າສຸດບຸກຊະນະ ກຣານາດ້າ 2-1 ມາດຣິດ ນຳກ່ອນສອງໜ່ວຍຈາກ: ແຟລ໋ອງ ເມັນດີ້ ນາທີ 10′ ແລະ ຄາຣິມ ເບນເຊມ້າ ນາທີ 16′ ເຈົ້າບ້ານແກ້ໄດ້ໜຶ່ງປະຕູຈາກ: ດາວິນ ມາຊິສ ນາທີ 50′.

ຣຽວ ມາດຣິດ ເກັບເພີ່ມເປັນ 83 ຄະແນນ ນຳອັນດັບສອງ ບາຣເຊໂລນ້າ ແຊ້ມເກົ່າ 4 ຄະແນນ, ເຫລືອການແຂ່ງຂັນອີກ 2 ນັດ, ນັ້ນໝາຍວ່ານັດຕໍ່ໄປຖ້າ ມາດຣິດ ຊະນະ ເປັນແຊ້ມທັນທີ ໂດຍ 2 ນັດທີ່ເຫລືອຈະພົບກັບ ບີຢາຣິວ ແລະ ເລກາເນັສ.