ໂຄງການເກັບກູ້ລະເບີດບໍ່ທັນແຕກທີ່ສະຫວັນນະເຂດ ສອບເສັງຄັດເລືອກພະນັກງານໃໝ່ໃນ 5 ຕົວເມືອງ

ໂຄງການເກັບກູ້ລະເບີດແຫ່ງ ສປປ ລາວ ປະຈໍາແຂວງສະຫວັນນະເຂດ ຈັດການ ສອບເສັງຄັດເລືອກເອົາພະນັກງານໃຫມ່ເພື່ອບັນຈຸໃສ່ຕໍາແໜ່ງງານ 3 ຂັ້ນ ໃນ 5 ຕົວເມືອງຄື: ພະລານໄຊ, ເມືອງພີນ, ວິລະບຸລີ, ເຊໂປນ ແລະເມືອງນອງ, ໂດຍເລີ່ມແຕ່ທ້າຍເດືອນມິຖຸນາ ຫາ ວັນທີ 6 ກໍລະກົດນີ້ ຢູ່ທີ່ຫ້ອງການເກັບກູ້ລະເບີດ(UXO lao) ທີ່ເມືອງເຊໂປນ ຊຶ່ງມີຜູ້ເຂົ້າຮ່ວມສອບເສັງຈຳນວນ 88 ທ່ານ, ຍິງ 6 ທ່ານ, ລວມມີ 5 ວິຊາຄື: ພິສູດລະເບີດບໍ່ທັນແຕກ, ວິຊາຄະນິດສາດ, ມາດຕະຖານການປະຕິບັດງານSOP1, ມາດຕະຖານການປະຕິບັດງານSOP2, ວິຊາປະກອບບົດລາຍງານຜົນສໍາເລັດວຽກງານເກັບກູ້ ສະນັ້ນ, ໃນນັ້ນສາມາດຄັດເລືອກໄດ້ 31 ຄົນ ບັນຈຸເຂົ້າ 6 ຕໍາແໜ່ງງານ, ຂຶ້ນເປັນຫົວໜ້າທີມມີ 38 ຄົນ, ຂຶ້ນເປັນຜູ້ຊ່ວຍຊ່ຽວຊານມີ19 ຄົນ.